Өнөөдөр гадаа 6 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 19 -ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 292 дахь өдөр бөгөөд он дуусахад 73 хоног үлдлээ.
- Цаг агаар өдөртөө 6 хэм дулаан бол шөнөдөө 5 хэм хүйтэн байх нь ээ. Шөнөдөө цастай.
- Билгийн тооллын 5, Бархасвадь гараг. Эрхтэний тэнгэрт одтой, цагаан нохой өдөр. Өдрийн наран 7 цаг 17 минутад мандан, 17 цаг 58 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3453.00 төгрөг, зарах нь 3458.00 төгрөг байна. Харин рублийн авах ханш 35.10, зарах ханш 35.50, юанийн авах ханш 476.50, зарах ханш 475.00, вонийн авах ханш 2.60, зарах ханш 2.63 төгрөг байна.
Өнөөдөр болох үйл явдал:
-
09.00 цагт: НҮБ-ын суурин төлөөлөгчийн байранд: “Тэрбум мод” үндэсний хөдөлгөөний хүрээнд мод тарих амлалт авсан байгууллагууд, мод үржүүлгийн ААН-үүдийн 100 гаруй төлөөллийн уулзалт болно. Утас: 8017-1854.
-
09:00-13:00 цагийн хооронд орон гэргүй иргэдийн өнөөгийн нөхцөл, шийдэх боломжийг хэлэлцэх “Эрүүл монгол хүн-Бүтэн гэр бүл” зөвлөгөөн болно.
- 10.00 цагт: “Блью Скай” зочид буудалд: “Монгол ногоо” төслийн хаалтын үйл ажиллагаа болж, хүнсний ногооны салбарын тогтвортой байдлыг хангах талаар хэлэлцэнэ. Утас. 9910-9723.
- 11.30 цагт: “ЗМ” мэдээллийн төвд: Төрийн захиалгаар нийгэм ахуйн барилга барьж буй компаниуд цалингийн тарифыг нэмэгдүүлэх талаар "Хөгжлийн төлөө барилгачдын нэгдэл" ТББ Засгийн газарт шаардлага хүргүүлнэ.
- 12.00 цагт: МСНЭ-ийн байранд: Тус эвлэлээс зарласан "Эрт илрүүлэг-Үзлэг оношилгоо" уралдаанд шагналт байр эзэлсэн шилдэгүүдэд шагнал гардуулна. Утас: 9111-8403.
- 12.00 цагт: Нийслэлийн Засаг даргын Тамгын газарт: Хан-Уул дүүргийн ИТХ-ын төлөөлөгч Б.Жагар ундны цэвэр усны шугамыг солих талаар 2024 оны төсөвт хөрөнгө суулгах, бохир зэвтэй ус ууж хохирч буй иргэдийн эрх ашгийг хамгаалах талаар хотын Засаг даргад хүргүүлнэ. Утас: 8809-6089.
Энэ өдөр дэлхийн түүхэнд:
- "Хадгаламж, зээлийн хоршооны олон улсын өдөр" тохиож байна.
- 2003 онд Тереза эх II пап ламд адислуулжээ.
- 2005 онд Багдадад Иракийн удирдагч асан Садам Хуссейныг шүүх анхны хуралдаан болжээ.
- 1987 оны Хар Даваа гараг: хөрөнгийн зах зээлийн индекс болох DJIA-ны индекс 22 хувиар унажээ.
- 2013 онд Буэнос-Айрест болсон галт тэрэгний ослоор 105 гаруй хүн бэртэж шархаджээ.
