Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 291 дэх өдөр бөгөөд он дуусахад 74 хоног үлдлээ.
- Цаг агаар өдөртөө 7 хэмийн дулаан бол шөнөдөө 3 хэмийн хүйтэн байх нь ээ.
- Билгийн тооллын 3, онгоц одтой, шар бич өдөр. Өдрийн наран 7 цаг 14 минутад мандан, 18 цаг 2 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Балжинням, дашням өдөр. Үс шинээр үргээлгэх буюу засуулбал эд малтай баялаг төгс болно.
- Валют арилжааны төвд ам.долларын авах ханш 3453.00 төгрөг, зарах нь 3458.00 төгрөг байна. Харин рублийн авах ханш 35.30, зарах ханш 35.60, юанийн авах ханш 477.00, зарах ханш 478.40, вонийн авах ханш 2.60, зарах ханш 2.61 төгрөг байна.
Өнөөдөр болох онцлох үйл явдлууд:
- 11.00 цагт “зууны мэдээ” сонины “үндэсний мэдээллийн төв”-д баян-өлгий аймгийн 4-н удирдлага болон түүний хамсаатнууд Монгол Улсын тусгаар тогтнолд заналхийлж байгаа асуудлаар мэдээлэл хийнэ.
- 11.30 цагт "Могул тауэр"-т "Тавантолгойг ард түмэнд өг" хөдөлгөөн байгуулагдаж байгаа талаар мэдээлэл хийнэ.
- 12:00 цагт хэвлэлийн хүрээлэнгийн мэдээллийн төвд төвлөрсөн дулаан хангамжид тохиолдож болох бэрхшээлийн талаар монгол улсын дулаан хангамжийн зөвлөх инженерүүд мэдээлэл хийнэ.
Энэ өдөр дэлхийн түүхэнд:
- 1009 онд Египетийн захирагч Аль-Хакимын тушаалаар дээд эзний бунхан сүмийг гутаан тоножээ. Бунханыг сүйрүүлсэн мэдээ европт хүрэн тэр нь загалмайтнуудын аян дайныг өдөөсөн.
- 1752 онд Фонтенбло дахь өргөөнд нь xv Людовик хааны өмнө алдарт гүн ухаантан Жан-жак Руссогийн “Тосгоны увидисч” гэх нэг үзэгдэлт жүжгийг тоглов. Жүжиг хаанд ихээхэн таалагдаж, гүн ухаантанд өндөр тэтгэвэр тогтоож өгчээ.
- 1799 онд германы химич Шенбайн, Кристиан Фридерик төржээ. Тэрээр озоны хийг нээснээрээ алдартай болсон юм.
- 1860 онд хоёрдугаар хар тамхины дайны сүүлчээр хятад англи-францын цэрэгт ялагдлаа.
- 1867 онд Аляскийг Америкт шилжүүлэв. Тодруулбал, энэ өдөр оросын Аляскийг АНУ-д 7.2 сая долларын чекээр солин шилжүүлэх ёслол болжээ. Энэ өдрийг АНУ-д Аляскийн өдөр гэж тэмдэглэдэг. Аляскийг худалдах гэрээг 1867 оны гуравдугаар сарын 30-нд байгуулж, орост төлөх мөнгийг 1868 оны дотор өгч байжээ.
- 1878 онд Томас Эдисон цахилгааныг гэр ахуйн хэрэглээнд нэвтрүүлжээ.
- 1892 онд Чикаго-Нью-йоркийн хоорондын телефон утасны арилжааны хамгийн анхны шугам нээгджээ.
- 1896 онд "Нью-йорк журнал" сэтгүүлд анхны комикс буюу зурмал өгүүлэл гарч иржээ.
- 1907 онд орчин цагийн автобусны суурийг тавьсан Омнибус-моторын туршилт Санкт-Петербургт хийгджээ.
- 1921 онд оросын бүтцэд Крымын автономыг байгуулсан тухай зарлиг гарчээ. Улмаар Крымыг 1945 онд муж болгож байсан бол 1954 онд украины бүтцэд шилжүүлсэн юм.
- 1947 онд Зөвлөлтийн анхны А-4 гэх баллистик пуужинг хөөргөжээ.
- 1967 онд Уолт Диснейн “Ширэнгэн ойн ном” зурмал кино дэлгэцнээ гарчээ.
- 1992 онд Америкийн иргэн Ким Кэрол тоглоомын хөзрийг 61.26 метрт шидэн дэлхийн дээд амжилтын эзэн болжээ.
