Өнөөдөр гадаа 15 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 259 дахь өдөр бөгөөд он дуусахад 106 хоног үлдлээ.
- Цаг агаар өдөртөө 15 хэмийн дулаан бол шөнөдөө 1 градус дулаан байх нь ээ.
- Билгийн тооллын 2, Сумьяа гараг. Салхины эх одтой, улаагчин хонь өдөр. Өдрийн наран 7 цаг 12 минутад мандан, 18 цаг 4 минутад жаргана. Тухайн өдөр гахай, туулай жилтнээ аливаа үйлийг хийхэд эерэг. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3454.00 төгрөг, зарах нь 3458.00 төгрөг байна. Харин рублийн авах ханш 34.50, зарах ханш 35.00, юанийн авах ханш 477.00, зарах ханш 479.50, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
-
09.00 цагт: ХЗДХЯ-ны үүдэнд: МСНЭ-ээс ХЗДХ-ийн сайд Б.Энхбаярт шаардлага хүргүүлнэ. Утас:9111-8403.
-09.40 цагт УИХ дахь байнгын хороодод мөн МСНЭ-ээс шаардлага хүргүүлнэ.
10.00 цагт: УИХ дахь намын бүлгүүд, байнгын хороод хуралдана.
11.00 цагт: Төв шууданд: Төрийн үйлчилгээний нэгдсэн систем E-Mongolia-д хүүхэд хамгааллын Ekids цонхтой болж буй талаар ЦХХХ-ны сайд Н.Учрал мэдээлэл хийнэ. Утас 9910-3830.
14.00 цагт: “Хүннү палас”-д: Яруу найрагч Мишигийн Ширчинсүрэнгийн мэндэлсний 90 жилийн ойд зориулсан “Мишигийн Ширчинсүрэн :Туурвил зүй, өв сан” эрдэм шинжилгээний хурал, "Их Монгол" номын нээлт болно.
14.00 цагт: ЭХЭМҮТ-д Нийслэлийн 18-р сургуульд хордсон хүүхдүүд, эцэг эхийн төлөөлөл хэвлэлийн бага хурал хийнэ.
16.00 цагт: “Корпорэйт конвеншн” төвд: “Улаанбаатар” олон улсын кино наадмын талаар хэвлэлийн бага хурал зарлажээ. Кино наадам “Сэр сэр салхи” киногоор нээлтээ хийнэ.
Энэ өдөр дэлхийн түүхэнд:
- 2011 онд Невадад онгоцны жолоодлогын шоуны үеэр онгоц үзэгчдийн дээрээс унаж 75 хүний аминд хүрчээ.
- 2000 онд Сиднейд XXVII Олимпын тоглолтууд эхэлжээ.
- 1999 онд Билл Гейтс эхнэрийнхээ хамт хүн амын эрүүл мэнд муудаж байгаа асуудлыг судлах төв байгуулахад 5 тэрбум ам.доллар хандивлажээ.
- 1987 онд Монреальд Дэлхийн озоны давхаргыг хамгаалах тухай протоколд гарын үсэг зуржээ.
- 1979 онд Зүүн Германаас найман хүн агаарын бөмбөлгөөр Баруун Герман руу зугтжээ.
- 1975 онд Папуа-Шинэ Гвиней тусгаар тогтнолоо зарлажээ.
