Цалингийн хүчирхэг цэс, үнэтэй тоглогч нь NBA-д амжилт гаргах баталгаа болдоггүй. Өнгөрсөн улирлын финалд тоглосон “Денвер”, “Майами” баг л гэхэд цалингийн хэмжээгээр лигт найм, 13 дугаар байрт орж байсан юм. Харин энэ зун олон тоглогч буурь сэлгэснээр NBA-ийн хүчний тэнцвэрт ихээхэн өөрчлөлт гарлаа. Үүний үр дүнд зарим баян баг ирэх хавар өндөр амжилт үзүүлэх боломж бүрдэ в. Ингээд “Spotrac”-ийн мэдээлэлд үндэслэн шинэ улиралд тоглогчдодоо хамгийн их цалин өгөх таван багийг танилцуулъя.
“Бостон селтикс”- 181 367 920 сая ам.доллар
Хамгийн өндөр цалинтай таван тоглогч (ам .доллар )
Жрю Холидэй- 36 861 707
Кристапс Порзингис- 36 016 200
Жэйсон Тэйтум- 32 600 060
Жэйлен Браун- 31 830 357
Деррик Уайт- 18 357 143
Тус баг хамгийн баян хоёр тоглогчоо энэ зун солилцоогоор авчээ. Гэхдээ Ж.Холидэй гэрээний сүүлийн жилдээ тоглох бол К.Порзингисийн цалин ирэх улирлаас буурах юм. Улмаар ирэх жилээс Ж.Тэйтум, Ж.Брауны цалин эхний байруудад бичигдэнэ. Жэйлен өнгөрсөн долдугаар сард NBA-ийн түүхэн дэх хамгийн үнэтэй таван жилийн гэрээг (304 сая) байгуулсан. Тэгвэл Жэйсон ирэх зун үүнээс их буюу 318 саяын гэрээг байгуулна. Гэвч Ж.Брауны шинэ гэрээ 2024-2025 оны улирлаас, харин Ж.Тэйтумын гэрээ үүнээс нэг жилийн дараа хүчин төгөлдөр хэрэгжиж эхлэх юм. Ташрамд дурдахад, Жрю-ЖэйсонЖэйлен хамтдаа дор хаяж хоёр жил тоглох боломжтой.
“Милуоки бакс”- 183 584 668 сая ам.доллар
Хамгийн өндөр цалинтай таван тоглогч (ам .доллар )
Яннис Антетокунмпо- 45 640 084
Дэмиан Лиллард- 45 640 084
Крис Миддлтон- 29 320 988
Брук Лопес- 25 000 000
Бобби Портис- 11 710 818
“Портлэнд”-тэй Д.Лиллардын солилцоог хийхээс ч өмнө аваргалах магадлалтай багийн тоонд “Милуоки” орж байсан. Харин одоо Яннис өөрөөсөө дутахгүй од хамтрагчтай болоод байна . Тиймээс хоёр дахь аваргын цомдоо бүр их ойртлоо. Яннис-Дэймийн хослол нь “Дорнод” бүсийн хамгийн шилдэг довтолгооны хамтрагчид болж байгаа. Бусад хамтрагч нь ч сайн учир “Бостон”-той бүсийн аваргын төлөө хүч үзэх боломжтой. Ирэх улиралд “Милуоки” хэрэв аваргалж чадахг үй бол 2024-2025 онд ч дахин аваргын төлөө дайралт хийнэ. Учир нь Янннис, Дэймийн гэрээ баталгаатай байх юм. “Бакс”-ын хоёр гол тоглогч энэ улиралд хамтдаа 91, харин ирэх жил 97.6 сая ам .долларын цалин авна. Өнөөгийн хэмж үүрээр энэ бол харьцангуй бага цалин юм.
“Лос-Анжелес клипперс”- 192 298 731 сая ам.доллар
Хамгийн өндөр цалинтай таван тоглогч (ам .доллар )
Пол Жорж- 45 640 084
Кавай Леонард- 45 640 084
Норман Пауэлл- 18 000 000
Маркус Моррис- 17 116 279
Николя Батум- 11 710 818
Энэ улирал тус багийн цаашдын ирээд үйг тодорхойлох чухал үе болно. Учир нь багийн гол хоёр од 48.8 сая ам .долларын цалин бүхий гэрээний сүүлийн жилээ цуцлаад, ирэх зун чөлөөт агент болох магадлалтай. М.Моррис Н.Батум, Р.Ковингтон, М.Пламли, З.Мун зэрэг тоглогч ч гэрээний сүүлийн жилдээ тоглож байна. Түүнээс гадна Р.Уэстбрук ч багаа орхих боломжтой юм. Магадгүй эдгээр шалтгааны улмаас “Филадельфи” багаас Ж.Харденыг авахаар тэд сонирхож эхэлсэн биз ээ.
“Финикс санс”- 188 414 699 сая ам.доллар
Хамгийн өндөр цалинтай таван тоглогч (ам .доллар )
Кевин Дюрант- 47 649 433
Брэдли Бийл- 46 741 590
Девин Букер- 36 016 200
Юсуф Нуркич- 16 875 000
Грейсон Аллен- 6 250 000
Энэ оны хоёрдугаар сард “Санс”-ыг худалдаж авснаас хойш багийн шинэ эзэн М.Ишбия эрс өөрчлөлт хийж эхэлсэн. Шинэ дасгалжуулагчаар Ф.Вогелийг томилж, Б.Бийлийг авчрав. Гэхдээ багийн эзний аваргалах их хүсэлд нь санх үүгийн хориг саад болж мэдэхээр байна. Учир нь 2024-2025 оны улирлаас эхэлж К.Дюрант, Д.Букер тус бүр 50 сая ам.долларын цалин авч эхэлнэ. Тухайн улиралд цалингийн дээд хязгаар 142 сая ам .доллар байх учир тус баг санхүүгийн тааг үй нөхцөлд орох юм. Мөн энэ гурван тоглогчийн гэрээ дуусахад гурван жил үлдсэн, бас улирал бүр цалингийн хэмжээ нь нэмэгдэхээр байгаа. Гэхдээ спортын амжилт талаас үзвэл БукерДюрант- Бийлийн хослол лигт хамгийн хүчирхэгт тооцогдож буй. Тийм ч учраас энэ улиралд аваргалах багийн нэгээр нэрлэгдэж байгаа юм.
“Голден стэйт уорриорз”- 207 244 576 сая ам.доллар
Хамгийн өндөр цалинтай таван тоглогч (ам .доллар )
Стефен Көрри- 51 915 615
Клэй Томпсон- 43 219 440
Крис Пол- 30 800 000
Эндрю Уиггинс- 24 330 357
Дрэймонд Грин- 22 321 429
Өнгөрсөн улиралд NBA-д хамгийн өндөр цалин авсан гурвал нь С.Көрри, К.Томпсон, Д.Грийн байв. Гэвч багийн удирдлага үүнийг үл харгалзан 120 сая ам .долларын гэрээ нь дуусахад хоёр жил үлдээд буй К.Полыг энэ зун авчирлаа. Ингэснээр тус баг лигийн хамгийн өндөр цалинтай хэвээр үлдэв. С.Көрри, Д.Грийн нар 2025-2026 оны улирал дуустал “Уорриорз” багтаа хүчин зүтгэх бол К.Томпсоны гэрээ энэ улирлаар төгсгөл болно. Клэй одоогоор багийн удирдлагатай гэрээг сунгах нөхцөлийн талаар хараахан ярилцаж эхлээгүй байна. Урьдчилсан таамаглалаар баг нь түүнд дөрвөн жилийн 224 сая ам .долларын гэрээг санал болгох боломжтой.
Бэлтгэсэн Н.Энх
