Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 6-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 279 дахь өдөр бөгөөд он дуусахад 86 хоног үлдлээ.
- Цаг агаар өдөртөө 8 хэмийн дулаан бол шөнөдөө 0 градус хүйтэн байх нь ээ. Шөнөдөө цастай.
- Билгийн тооллын 22, сугар гараг. Хэрцгий охин одтой, улаагчин тахиа өдөр. Өдрийн наран 6 цаг 58 минутад мандан, 18 цаг 23 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
- Валют арилжааны төвд ам.долларын авах ханш 3457.00 төгрөг, зарах нь 3461.00 төгрөг байна. Харин рублийн авах ханш 34.60, зарах ханш 35.10, юанийн авах ханш 474.50, зарах ханш 475.50, вонийн авах ханш 2.56, зарах ханш 2.58 төгрөг байна.
Өнөөдөр болох үйл явдал:
-
09:00 цагаас Төрийн ордны Их монгол танхимд Залуу малчдын үндэсний чуулган болно.
-
10.00 цагт БОАЖЯ-наас Цаг уур, орчны шинжилгээний газарт цаг үеийн асуудлаар мэдээлэл хийнэ.
-
11.30 цагт “Зууны мэдээ” сонины “Үндэсний мэдээллийн төвд Монгол тээвэр нэгдлээс “Авто тээврийн тухай хуулийн хэрэгжилтийг хангуулцгаая” сэдвээр мэдээлэл хийнэ.
-
12.00-14.00 цагт ХЭҮК-оос ажлын байрны бэлгийн дарамтын талаар хэвлэлийнхэнд мэдээлэл ойлголт өгнө.
Энэ өдөр дэлхийн түүхэнд:
- Өнөөдөр Шри Ланк улсад Багш нарын өдөр тохиож байна.
- Мөн өнөөдөр Сансрын долоо хоног үргэлжилж байна.
- 1927 онд Америкийн алдарт хөгжимт жүжиг болох "The Jazz Singer" цувралын эхний хэсэг гарчээ.
- 1987 онд Фижи улс Бүгд найрамдах засаглалтай болжээ.
- 1979 онд II пап лам АНУ-ын Цагаан ордонд зочилсон анхны пап лам болж байжээ.
