Аравдугаар сарын 5-ны өдөр
Өнөөдөр гадаа 15 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 278 дахь өдөр бөгөөд он дуусахад 87 хоног үлдлээ.
- Цаг агаар өдөртөө 15 хэмийн дулаан бол шөнөдөө 1 хэм дулаан байх нь ээ.
- Билгийн тооллын 21, Гөрөөсөн толгой одтой, улаан бич өдөр. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3457.00 төгрөг, зарах нь 3460.00 төгрөг байна. Харин рублийн авах ханш 34.80, зарах ханш 35.30, юанийн авах ханш 474.50, зарах ханш 475.50, вонийн авах ханш 2.56, зарах ханш 2.58 төгрөг байна.
Өнөөдөр болох онцлох үйл явдлууд:
- 10.00 цагт “Ногоон нуур” 1008 айлын орон сууцны хорооллын төслийн талбайд "Барилгын чанар, ХАБ, эрүүл ахуйн аян"-ы хүрээнд шинээр нэвтрүүлж буй тоног төхөөрөмж, хөдөлмөрийн эрүүл ахуй, аюулгүй ажиллагааны туршлагыг үзүүлэх сургуулилт болно. БХБ-ын сайд Ц.Даваасүрэн, ХНХ-ын дэд сайд С.Зулпхар нар оролцоно. Утас :9507-1740, 9901-0985
- 10.00 цагт “Зайсан Хилл”-д: "Дэлхийн сансрын 7 хоног” үйл ажиллагаа хоёр дахь өдрөө үргэлжилнэ. 10-р сарын 10-ныг дуустал өдөр бүр болох “World Space Week” нь дэлхийн 90 гаруй улсад нэгэн зэрэг зохион байгуулдаг шинжлэх ухаан, технологийн олон улсын томоохон наадам юм.
- 09.00-11.00 цагт УИХ-ын ажлын хэсгийн болон байнгын хороод хуралдана.
- 14.00 цагт “Интер” номд: "Сэтгэшгүй" эмнэлгийн их эмч С.Хүрэлбаатарын “Хүний энергийн систем, өвчлөл, эмчилгээ” номын нээлт болно. Утас: 9901-2599.
“ЗМ” сонины мэдээллийн төвд:
5.10.00 цагт Оёдлын холбоо, Жижиг, дунд үйлдвэрлэлийн газар, Боловсролын ерөнхий газраас зохион байгуулж байгаа “Баярлалаа багшаа” аяны талаар мэдээлнэ.
6.11.00 цагт “Эрдэнэс Тавантолгой” ХК-ийн ногдол ашиг тараахыг иргэд, иргэдийн байгууллагаас шаардаж мэдээлэл хийнэ.
Энэ өдөр дэлхийн түүхэнд:
- Дэлхийн багш нарын баярын өдөр өнөөдөр тохиож байна.
- 1980 оны энэ өдөр Улсын начин Лувсанрагчаагийн Нямсүрэн мэндэлжээ.
- Мөн 1987 оны энэ өдөр T-Ara хамтлагын гишүүн Soyeon мэндэлжээ.
- Мөн өнөөдөр Болив улсад Инженерүүдийн баярын өдөр тохиож буй аж.
- 1962 онд "The Beatles" хамтлагийн анхны сингл цомог болох "Love Me Do" Их Британид худалдаанд гарч эхэлжээ.
