Аравдугаар сарын 2-ны өдөр
Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 275 дахь өдөр бөгөөд он дуусахад 90 хоног үлдлээ.
- Цаг агаар өдөртөө 8 хэмийн дулаан бол шөнөдөө 5 градус хүйтэн байх нь ээ.
- Билгийн тооллын 18, одтой, харагчин могой өдөр. Өдрийн наран 6 цаг 52 минутад мандан, 18 цаг 31 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3455.00 төгрөг, зарах нь 3460.00 төгрөг байна. Харин рублийн авах ханш 35.60, зарах ханш 36.00, юанийн авах ханш 474.00, зарах ханш 415.50, вонийн авах ханш 2.58, зарах ханш 2.60 төгрөг байна.
Өнөөдөр болох онцлох үйл явдлууд:
- 09.00 цагт Улсын II эмнэлэгт: Дүрс оношилгооны олон улсын форумын нээлт болно. Утас: 9090-0504.
- 09.00 цагт “Эрдэнэс Таван Толгой” компанийн байрны үүдэнд нүүрс тээвэрлэгчдийн “Монгол Тээвэр нэгдэл”-ийнхэн хууль хэрэгжүүлэхийг шаардаж эсэргүүцлээ илэрхийлнэ. Утас:9111-8800.
- 11.40 цагт УИХ-ын гишүүн агсан, ардчиллын анхны 13 гишүүний нэг С.Зоригийн хөшөөнд цэцэг өргөнө.
- 12.00-17.00 цагт Хөрөнгийн биржид: Улаанбаатар хотын бондын анхдагч арилжаа эхэлнэ. Арилжаа энэ сарын 4-ний өдөр хүртэл үргэлжилнэ.
- 14.30 цагт “Туушин” зочид буудалд: Монгол Улс, БНХАУ-ын ӨМӨЗО-ны худалдаа, хөрөнгө оруулалтын чуулга уузалт болно. Чуулга уулзалтаар хоёр талын бизнес эрхлэгчид хөрөнгө оруулалтын төслүүдээ танилцуулж, хамтын ажиллагааны гэрээ хэлэлцээрт гарын үсэг зурна. Утас: 7727-7070(6), 9956-4544.
Энэ өдөр дэлхийн түүхэнд:
- Өнөөдөр Итали улсад Өвөө нарын баярын өдөр тохиож байна.
- Мөн өнөөдөр Гвиней улсад Тусгаар тогтнолын өдөр тохиож байгаа аж.
- 1970 оны энэ өдөр Америкийн алдарт жүжигчин, ток шоуны хөтлөгч, телевизийн продюсер Kelly Ripa мэндэлжээ.
- Мөн 1869 оны энэ өдөр Махатма Ганди хэмээн алдаршсан Энэтхэгийн тусгаар тогтнолын төлөө тэмцэгч, улс төрч Мохандас Карамчанд Ганди мэндэлж байжээ. Түүний нөлөөгөөр Энэтхэг Британийн эзэнт гүрнээс 1947 онд салан тусгаарлаж, тусгаар тогтносон.
- 1970 онд АНУ-ын Вичита их сургуулийн хөлбөмбөгийн багынхны сууж явсан хөлөг онгоц Колорадо мужид осолдож, тус онгоцонд сууж явсан 31 хүн нас барж байжээ.
- 1996 онд Америкийн 42 дахь Ерөнхийлөгч Билл Клинтон "Мэдээллийн эрх чөлөөний тухай хуулийн нэмэлт өөрчлөлт"-д гарын үсэг зуржээ.
