Есдүгээр сарын 29-ний өдөр
Өнөөдөр гадаа 9 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 272 дахь өдөр бөгөөд он дуусахад 93 хоног үлдлээ.
- Цаг агаар өдөртөө 9 хэмийн дулаан бол шөнөдөө 5 градус хүйтэн байх нь ээ.
- Билгийн тооллын 15, намрын дунд цагаагчин тахиа сарын таван шар цагаан бар өдөр.
Үс засуулвал: Өлзийтэй сайн Наран 06.48 цагт мандаж, 18.38 цагт шингэнэ. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой.
- Валют арилжааны төвд ам.долларын авах ханш 3475.00 төгрөг, зарах нь 3490.00 төгрөг байна. Харин рублийн авах ханш 52.70, зарах ханш 53.00, юанийн авах ханш 479.00, зарах ханш 482.00, вонийн авах ханш 2.47, зарах ханш 2.50 төгрөг байна.
Өнөөдөр болох онцлох үйл явдлууд
- 11.00 цагт: МИАТ ТӨХК-ийн удирдлагууд өөрийн байранд цаг үеийн асуудлаар мэдээлэл хийнэ.
- 11.00 цагт: “ЗМ” сонины мэдээллийн төвд:“Эрдэнэс Тавантолгой”-н төрийн мэдлийн хувьцааг Монгол Улсын иргэн бүрд эн тэнцүү өмчлүүлэх асуудлаар УИХ болон ЗГ-т шаардлага хүргүүлж буй талаар ШИНЭ намаас мэдээлэл хийнэ.
- 12.00 цагт: “Чингис хаан” үндэсний музейд: Соён гэгээрүүлэгч Дулдуйтын Данзанравжаагийн мэлмий гийсний 220 жилийн ойд зориулсан “Адистэд хурсан гайхамшиг” тусгай үзэсгэлэнгийн нээлт болно. Үзэсгэлэн 11 дүгээр сарын 5 хүртэл үргэлжилнэ.
- Улсын төв нэгдүгээр эмнэлэг "Үйлчлүүлэгчээ сонсоё" сарын аяныг зохион байгуулж байна.
- ИБУИНВУ-ын парламентын гишүүн, Зэвсэгт хүчний сайд Жэймс Хиппи манай улсад ажлын айлчлал хийж байна.
- Монгол Улсын Морин хуурын чуулгын “Дуун дэг” тоглолт Улсын Филармонийн концертын танхимд болно.
- Архангай аймгийн Цэцэрлэг хотын АРА цогцолборт аялал жуулчлалын нэгдсэн үзэсгэлэн, форум үргэлжилж байна.
Энэ өдөр дэлхийн түүхэнд:
- 1911 он - Итали улс Османы эзэнт гүрэнд дайн зарлав.
- 1920 он - Украины тусгаар тогтнолын дайн: ЗХУ-ын Бүгд Найрамдах Украин улс Махновщинатай эвлэрэхийг зөвшөөрөв.
- 1972 он – Япон улс БНХАУ-тай албан ёсны харилцаагаа тасласны дараа БНХАУ-тай дипломат харилцаа тогтоов.
- 1992 он – Бразилын Ерөнхийлөгч Фернандо Коллор Де Меллог огцруулжээ
