Өнөөдөр гадаа +19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр Григорийн тооллын жилийн 268 дахь (өндөр жил бол 269 дэх) өдөр юм. Мөн он дуустал 97 өдөр үлдэж байна.
Есдүгээр дүгээр сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр Григорийн тооллын жилийн 268 дахь (өндөр жил бол 269 дэх) өдөр юм. Мөн он дуустал 97 өдөр үлдэж байна.
- Цаг агаар өдөртөө 14 хэмийн дулаан бол шөнөдөө 6 хэм дулаан байх нь ээ.
- Билгийн тооллын 11, Сумъяа гараг. Булаагч одтой одтой, улаан нохой өдөр. Өдрийн наран 6 цаг 42 минутад мандан, 18 цаг 46 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
- Манай улсын голлох валют болох ам.долларын авах ханш 3464.00 төгрөг, зарах нь 3467.00 төгрөг байна. Харин рублийн авах ханш 36.00, зарах ханш 36.30, юанийн авах ханш 477.70, зарах ханш 479.50, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 10.00 цагт: Улаанбаатар хот дахь Хятадын соёлын төвд: “Монгол-Хятадын найрамдлын өдрүүд”-ийн нээлт болно. Нээлтэд БНХАУ-ын Төвдийн Өөртөө засах орон, Ляонин мужийн удирдлага, төлөөлөл оролцоно.
- 10.00 цагт: “Корпорейт конвеншн” төвд: АН-ын дэргэдэх Ардчилсан Эмэгтэйчүүдийн Холбооны ээлжит ерөнхийлөгчийг сонгох дээд чуулган болно. Утас: 9922-1368, 9100-0017.
- 11.40 цагт: “Уран ган” цогцолборын “UG Arena”-нд БНХАУ-ын ӨМӨЗО-ны бараа бүтээгдэхүүний үзэсгэлэн худалдаа нээгдэнэ. Утас: 99856151
- 12.00 цагт: Төв цэнгэлдэх хүрээлэнд: МУГЖ дуучин С.Жавхлангийн “Дулаанхан намар” тоглолтын талаар мэдээлнэ.
- 13.00-18.00 цагт: МҮХАҮТ-д: МҮХАҮТ, БНХАУ-ын ӨМӨЗО-ын Худалдааг дэмжих хороо хамтран “Аж ахуйн нэгжүүдийн ханган нийлүүлэлт, худалдаа, эдийн засаг, хөрөнгө оруулалтын бизнес уулзалт” зохион байгуулна. Утас: 9956-4544.
- 15.30 цагт: МУИС-д: МУИС, Азийн сан хамтран Монгол Улсад анх удаа Жендер судлалын салбар дундын магистрын хөтөлбөр хэрэгжүүлэх хүрээнд санамж бичигт гарын үсэг зурна. Утас: 9458-2204.
Дэлхийн түүхэнд энэ өдөр
- 1981 он - Белиз НҮБ-д элсэв.
- 1992 он - НАСА Ангараг гаргийн ажиглагчийг хөөргөв. Арван нэгэн сарын дараа датчик тойрог замд оруулахаар бэлтгэж байхдаа бүтэлгүйтэв.
- 2003 он - Японы Хоккайдогийн ойролцоо 8.3 магнитудын хүчтэй газар хөдлөлт болжээ.
- 1968 оны энэд Америкийн жүжигчин, продюсер, рэппер Вилл Смит мэндэлжээ.
