Есдүгээр сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр жилийн 263 дахь өдөр юм. Мөн он дуустал 102 өдөр үлдэж байна.
- Цаг агаар өдөртөө 18 хэмийн дулаан бол шөнөдөө 5 градус дулаан байх нь ээ.
- Билгийн тооллын 5, Буд гараг. Онгоц одтой, цагаагчин могой өдөр. Өдрийн наран 6 цаг 35 минутад мандан, 18 цаг 55 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуганыг сэргээх, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, газрын ам нээх, гөлөг тэжээх, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Манай улсын голлох валют болох ам.долларын авах ханш 3462.00 төгрөг, зарах нь 3467.00 төгрөг байна. Харин рублийн авах ханш 35.80, зарах ханш 36.30, юанийн авах ханш 478.00, зарах ханш 479.50, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 08.30-09.00 цагт: Яармаг дахь нийслэлийн Захиргааны цогцолборт Төрийн албаны ерөнхий шалгалт эхэлнэ.
- 09.00 цагт. “Шангри-Ла” зочид буудалд: Монголын Үндэсний худалдаа,аж үйлдвэрийн Танхимын ээлжит XXI их хурал болно.
- 10.00 цагт УИХ-ын гишүүн асан Т.Аюурсайхан нарт холбогдох нүүрсний гэх хэргийн шүүх хурал болно.
- 11.00 цагт: “Шангри-Ла” зочид буудалд: Азийн хөгжлийн банк (АХБ)-наас "Азийн хөгжлийн төлөв" эдийн засгийн ээлжит тайлангийн мэдээллийг танилцуулна. Энэ үеэр Монгол Улсын эдийн засгийн өсөлтийн төсөөлөл, цаашдын төлөвийг мэдээлнэ.
- 11.00 цагт “Сэр Сэр Салхи” уран сайхны киноны багийнхан Венец, Торонтогийн кино наадмуудад амжилттай оролцсон аян замын богцоо уудлан, амжилтаа Монголын үзэгчидтэйгээ хуваалцаж, мэдээлэл өгнө.
