Есдүгээр сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 255 дахь өдөр бөгөөд он дуусахад 110 хоног үлдлээ.
- Цаг агаар өдөртөө 15 хэмийн дулаан бол шөнөдөө 11 градус дулаан байх нь ээ.
- Билгийн тооллын 28, Ангараг гараг. Билгийн тооллын 28, Үнэг одтой, харагчин тахиа өдөр. Өдрийн наран 6 цаг 28 минутад мандан, 19 цаг 13 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой.
- Валют арилжааны төвд ам.долларын авах ханш 3468.00 төгрөг, зарах нь 3469.00 төгрөг байна. Харин рублийн авах ханш 36.00, зарах ханш 36.40, юанийн авах ханш 477.00, зарах ханш 481.00, вонийн авах ханш 2.62, зарах ханш 2.63 төгрөг байна.
Өнөөдөр болох онцлох үйл явдлууд:
- 10.00 цагт: НҮБХХ-ийн "Монголын тогтвортой ноолуурын платформ", ЕХ-ны "Монголд Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төсөл, Монголын ноос, ноолуурын үйлдвэрүүдийн санхүүжилттэй ШУТИС-ийн "Нэхмэлийн үйлдвэрлэлийн технологи" хөтөлбөрөөр элсэн суралцагсдад зориулсан тэтгэлэг олгох ёслол ШУТИС-ийн 8-р байранд болно.
- 11.00 цагт: Монголын гимнастикийн холбооноос Монгол Улсад аеробик гимнастикийн Ази тивийн аварга шалгаруулах тэмцээн зохион байгуулах талаар Спортын төв ордонд мэдээлнэ. Утас: 99231058
- 11.30 цагт: Гадаадын хөрөнгө оруулагчдыг 200 сая төгрөгөөр залилж эрүүгийн онц ноцтой гэмт хэрэгт шалгагдаж буй Болдын Дэмбэрэлийн талаар “Үндэсний мэдээллийн төв”-д мэдээлэл хийнэ.
- 11.30 цагт: Италийн сургалтанд хамрагдсан хүүхдүүдээс Италид болох хүүхдийн хөл бөмбөгийн баярт оролцох шилдэг 3-5 хүүхдийг 15 дугаар хорооллын хөл бөмбөгийн талбайд шалгаруулна. Утас: 88093091
- 12.00 цагт: Тэтгэврийн шинэчлэлд хохирогч ахмадууд Засгийн газарт шаардлага хүргүүлэх талаар “Үндэсний мэдээллийн төв”-д мэдээлэл хийнэ.
- 12.30 цагт: Олон улсын яруу найргийн наадам зохион байгуулагчид “Үндэсний мэдээллийн төв”-д хэвлэлийн хурал хийнэ. Наадамд 9 орны яруу найрагч оролцож, монгол хэлний уран тансаг хэллэг, яруу найргийг дэлхий дахинаа сурталчилна.
- 16.00 цагт: МУИС-д ХБНГУ-ын Берлин хот дахь Хумболдтын их сургуулийн Ази, Африк судлалын хүрээлэнгийн Төв Ази, Монгол судлалын семинар хариуцсан захирал, доктор А.Ганчимэг “Нүүдлээс суурьшил руу: Малчдын амьдралын өөрчлөлтүүд. 1940-1980-аад он” сэдэвт лекц уншина.
Энэ өдөр дэлхийн түүхэнд:
- 1971 оны энэ өдөр Өмнө Солонгосын дуучин, жүжигчин Ань Жэ-үк мэндэлжээ.
- 1986 оны энэ өдөр Японы хөлбөмбөгийн тамирчин, Yuto Nagatomo мэндэлжээ.
- 1973 оны энэ өдөр Галзуу хурд цувралын алдарт жүжигчин Paul Walker мэндэлж байжээ. Харамсалтай нь тэрээр 2013 онд ослоор таалал төгссөн юм.
- 2011 онд 2011 оны 9 сарын 11-ний дайралтаар амь насаа үлдсэн хүмүүсийн дурсгалд зориулсан Нью Йорк хотын 9/11 Memorial музей олон нийтэд нээлттэй болжээ.
- 2003 онд Иракийн дайны үеэр АНУ-ын Зэвсэгт хүчин андуурч гал нээж Иракийн 8 цэргийн оффицерийн аминд хүрчээ.
