Өнөөдөр гадаа +11 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 254 дахь өдөр бөгөөд он дуусахад 107 хоног үлдлээ.
- Цаг агаар өдөртөө 11 хэмийн дулаан бол шөнөдөө 8 градус дулаан байх нь ээ.
- Билгийн тооллын 30, намрын тэрүүн цагаан бич сарын нэг цагаан мэнгэтэй шаргачин үхэр өдөр. Үс засуулбал эрлэг лугаа учирна. Наран 6:30 минутад мандаж, 19:09 минутад жаргана.
- Валют арилжааны төвд ам.долларын авах ханш 3466.00 төгрөг, зарах нь 3469.00 төгрөг байна. Харин рублийн авах ханш 36.00, зарах ханш 36.60, юанийн авах ханш 478.00, зарах ханш 480.00, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 9.00 цагт: ШУА-ийн Хэл зохиолын хүрээлэнгээс зохион байгуулж буй "Монгол хэлний нутгийн аялгууны судалгаа" олон улсын эрдэм шинжилгээний хурал болно.
- 09.00-17.00 цагт: "Хавдар судлалын салбарын тулгамдсан асуудал" 17 дахь удаагийн нэгдсэн чуулга уулзалт Новотел зочид буудлын хурлын танхимд болно.
- 10.00-16.00 цагт: “ABC World”-оос “Educated Mongolians-2023” олон улсын боловсролын өдөрлөгийг Тусгаар Тогтнолын ордны нэг давхарт зохион байгуулна.
- 11.00 цагт: МОНЦАМЭ агентлагийн мэдээллийн төвд “Номын соёлт ертөнц” ТББ-аас “Илүү их уншья” уриатай “Номын баяр-2023” намрын арга хэмжээний онцлог, зохион байгуулалтын талаар хэвлэлийн бага хурал хийнэ.
- 11.00 цагт: Дэлхийн Озоны давхаргыг хамгаалах өдрийг тохиолдуулан “Монреалийн Протокол нь Озоны давхаргыг хамгаалж, уур амьсгалын өөрчлөлтийг сааруулж байна” сэдвээр “Үндэсний мэдээллийн төв”-д мэдээлэл хийнэ.
- 11:00 цагт “FITAT 2023- Мэдээллийн технологийн тулгамдсан асуудал” олон улсын хурал МУИС I байр, Эрдмийн танхим (Дугуй заал)-д болно.
- 10:00 цагт Дэлхийн үйлчлүүлэгчийн аюулгүй байдлын өдрийг тохиолдуулан зохион байгуулж буй өдөрлөг Улсын хоёрдугаар төв эмнэлэгт болно.
- 11:00 цагт “Зууны мэдээ” сонины “Үндэсний мэдээллийн төв”-д цагаас Дэлхийн Озоны давхаргыг хамгаалах өдрийг тохиолдуулан “Монреалийн Протокол нь Озоны давхаргыг хамгаалж, уур амьсгалын өөрчлөлтийг сааруулж байна” сэдвээр Монгол улс болон дэлхий дахинд авч хэрэгжүүлж буй арга хэмжээ, үр дүнгийн талаар нээлттэй мэдээлнэ.
Энэ өдөр дэлхийн түүхэнд:
- 1254 онд Марка Поло-Италийн худалдаачин, алдарт аялагч мэндэлжээ.
- 1857 онд Уильям Тафт -АНУ-ын 27 дахь Ерөнхийлөгч мэндэлжээ.
- 1941 онд Мирослав Гермашевски-Польшийн сансрын нисэг мэндэлжээ.
- 1946 онд Томми Ли Жонс-америйкийн жүжигчин, Оскарын шагналтан мэндэлжээ.
- 1919 - БНМАУ-ын Төрийн хошой шагналт, Ардын жүжигчин Лувсанжамбын Мөрдорж мэндэлжээ.
