Өнөөдөр гадаа +19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 253 дахь өдөр бөгөөд он дуусахад 108 хоног үлдлээ.
- Цаг агаар өдөртөө 19 хэмийн дулаан бол шөнөдөө 10 градус дулаан байх нь ээ.
- Билгийн тооллын 29, Намрын тэргүүн цагаан бич сарын хоёр хар мэнгэтэй шар хулгана өдөр
Үс засуулбал: Сүлд тэнэж одно
- Валют арилжааны төвд ам.долларын авах ханш 3468.00 төгрөг, зарах нь 3473.00 төгрөг байна. Харин рублийн авах ханш 36.20, зарах ханш 36.60, юанийн авах ханш 477.00, зарах ханш 478.00, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 8.30-14.00 цагт Ханнс-Зайделийн сангийн 30 жилийн ойд зориулан МУИС-ийн Төв номын санд “Монгол Улсын эрүүгийн хууль тогтоомжийн шинэтгэл" эрүүгийн эрх зүйн эрдэм шинжилгээний хурал болно.
- 10.00 цагт Монгол Улсын шинжлэх ухааны салбарын хүний нөөцийг чадавхжуулах, судалгаа боловсруулалтын ажлыг олон улсын жишигт нийцүүлэхэд туршлага болох, шинжлэх ухааны бүтээмж, өрсөлдөх чадварыг дээшлүүлэхэд зориулсан "Ted science" хүндэт зочдын тусгай лекц Чингис хаан үндэсний музейд болно. Утас: 96656561
- 10.00-12.00 цагт Хил хамгаалах байгууллагын 90 жилийн ой тохиолдуулан "Чингис хаан" ОУНБ-д үйл ажиллагаа явуулж буй хилийн хяналтын байгууллага, нисэх буудал, агаарын тээвэрлэгч компаниудын үйл ажиллагааг олон нийтэд сурталчлах "Нээлттэй хаалга"-ны өдөрлөг зохион байгуулна.
- 14.00-18.00 цагт "Монгол-Германы эрх зүйн хамтын ажиллагаа" бага хурал Төрийн ордны Чингис танхимд болно.
Энэ өдөр дэлхийн түүхэнд:
- 1040 оны энэ өдөр Элгины тулалдаанд Шотландын хаан Дунканыг төрсөн дүү Макбет нь алж хаан ширээг авчээ.
- 1385 оны энэ өдөр Литвийн Их ван Ягайло Польштой газар нутгаар нэгдэх холбоо байгуулжээ.
- 1619 оны энэ өдөр Хойд Америкт анх удаа архидалтын эсрэг хууль гаргаж усан үзэм тариалахыг хоригложээ.
- 1790 оны энэ өдөр Верелсийн гэрээ байгуулагдаж Орос-Шведийн дайн (1788-1790) албан ёсоор дуусжээ.
- 1888 оны энэ өдөр Америкийн инженер Оливер Шелленберг цахилгаан тооцооны машин зохион бүтээжээ.
- 1908 оны энэ өдөр Англид дэлхийн анхны гоо бүсгүйн тэмцээн болжээ.
- 1919 оны энэ өдөр Германд Вейрмарын үндсэн хууль хэрэгжиж эхэлжээ.
- 1945 оны энэ өдөр Японы эзэн хаан Хирохито тус улсыг үг дуугүй бууж өгөх тогтоолд гарын үсэг зуржээ.
- 1992 оны энэ өдөр Гүрж-Абхазын дайн эхэлжээ.
- 2015 оны энэ өдөр Кубийн нийслэл Гавана хотод 54 жилийн дараа АНУ Элчин сайдын яамаа нээжээ.
