Өнөөдөр гадаа +14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 254 дахь өдөр бөгөөд он дуусахад 111 хоног үлдлээ.
- Цаг агаар өдөртөө 14 хэмийн дулаан бол шөнөдөө 3 градус хүйтэн байх нь ээ.
- Билгийн тооллын 27, Өлзийтэй буяны үйлийг үйлдэх, номын үйлийг эхлэх, гүйцээх, сүм дуганыг нээх, амирлангуй, дэлгэрэнгүй, эрхшээх үйл бүхэнд сайн. Гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Түүнд төрсөн хүмүүн таван хоног хийгээд есөн сар, арван сар, арван жилд эс үхвээс номын явдалт, ядуувтар, үнэн өгүүлэгч, төрөл садандаа асрахуй сэтгэлт, урлахуй ухаанд мэргэн, өвөрчилөн сайн. Зуу наслана гэж номлосон. Өвдвөл найм арав хоногтоо хүчир, түүнээс хэтэрвэл амархан амирлана. Замд гарвал эд олно, тус бүхэн бүтнэ. Хулгайд алдвал дотнын нэгэн хүмүүн нь гадны хоёр хүмүүнтэй гурвуул хулгайлж аваад одсон, олдох нь нэн бэрх. Зүүн нүд татвал хувцас олно. Баруун нүд татвал жуулчин ирнэ. Баруун чих хангинавал баясгалантай болно. Зүүн чих хангинавал муу. Нохой уливал магалан болно. Хэрээ дуугарвал сайн муугийн ялгаагүй. Тагнай эрвэгнэвэл дээрэмчнээс болгоомжил. Бүх бие таталдвал аймшиг болно. Шилбэ татвал өвчний нигууртай гэж номлосон. Үс засуулбал: Жаргал үргэлжид ирнэ
- Валют арилжааны төвд ам.долларын авах ханш 3469.00 төгрөг, зарах нь 3473.00 төгрөг байна. Харин рублийн авах ханш 35.40, зарах ханш 36.00, юанийн авах ханш 476.00, зарах ханш 479.50, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 14.00 цагт "Чингис хаан" хамтлагийн "XXI зуун" тоглолтын талаар мэдээлэл өгөх хэвлэлийн хурал "On’n Off production event hall"-д болно.
- 15.00 цагт Г.Занабазарын нэрэмжит Дүрслэх урлагийн музейд чөлөөт уран бүтээлч Ө.Ирмүүний холимог материалаар хийсэн уран зураг, гэрлэн installation art болон логик оюуны тоглоом Судоку наадгайг монгол тоогоор тайлах "Нэгээс ес" уран бүтээлийн бие даасан үзэсгэлэнг нээнэ.
Энэ өдөр дэлхийн түүхэнд:
- 2001 онд АНУ-ын худалдааны ихэр цамхагийг нураасан халдлага болов. Онгоц барьцаалагчид Нью-Йорк дахь Дэлхийн Худалдааны Төвийн барилгыг нурааж, Виржини муж улсын Арлингтон дахь Пентагоны барилгад гэмтэл учруулсан. Мөн барьцаалагдсан нэг онгоц Пеннсилвани муж улсын Шанксвиллд осолджээ.
- Өнөөдөр Аргентин улсад Багш нарын баярын өдөр тохиож байна.
- 1987 оны энэ өдөр Италийн алдарт хөлбөмбөгчин Robert Acquafresca мэндэлжээ.
- Мөн 1977 оны энэ өдөр "Ludacris" хэмээх нэрээрээ алдаршсан Америкийн реппер Christopher Brian "Chris" Bridges мэндэлжээ.
- 1997 онд НАСА-гийн хөөргөсөн "Mars Global Surveyor" хэмээх робот сансрын хөлөг Ангараг гаригт хүрчээ.
