Өнөөдөр гадаа +23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 251 дахь өдөр бөгөөд он дуусахад 116 хоног үлдлээ.
- Цаг агаар өдөртөө 23 хэмийн дулаан бол шөнөдөө 5 градус дулаан байх нь ээ.
- Билгийн тооллын 24, сугар гараг. Гөрөөсөн толгой одтой, шарагчин могой өдөр. Өдрийн наран 6 цаг 19 минутад мандан, 19 цаг 21 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Цагаан шүүдэр буух улирал (6ц 45м) эхлэнэ. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3472.00 төгрөг, зарах нь 3475.00 төгрөг байна. Харин рублийн авах ханш 35.50, зарах ханш 36.00, юанийн авах ханш 479.20, зарах ханш 480.00, вонийн авах ханш 2.61, зарах ханш 2.63 төгрөг байна.
Өнөөдөр болох онцлох үйл явдлууд:
- 9.00 цагт: Pearson English англи хэлний сургалтын хөтөлбөр, Pearson BTEC олон улсын IT хөтөлбөрийн нээлт Новотел зочид буудалд болно. Утас: 94999598
- 9.30 цагт: ГХЯ-наас хилийн чанадад суугаа Монгол Улсын Өргөмжит консулуудын ээлжит 10 дугаар уулзалтын нэгдсэн арга хэмжээ ГХЯ-ны Зөвшилцөл танхимд болно.
- 10.00-21.00 цагт: “Степпе Арена”-Мөсөн өргөө үйл ажиллагаагаа эхлүүлсний 2 жилийн ой, “AIC STEPPE ARENA” нэршил солигдох үйл явдлыг тохиолдуулан зохион байгуулах “AIC STEPPE ARENA’S SPECIAL DAY” өдөрлөг болно Утас: 99117603, 88694040
- БХБЯ-ны байрны гаднах талбай буюу Барилгачдын талбайд “Барилгын салбар гамшгийн эсрэг хамтдаа” уриан дор гамшгийн үеийн бэлэн байдлын сургалтыг зохион байгуулж, салбарын “Шилдэг аж ахуй нэгж” болон “Шилдэг Барилга”-ыг тодруулах арга хэмжээнүүдийг зохион байгуулна.
- 11.00 цагт: Монголын Нотариатчдын танхимаас цаг үeийн асуудлаар Монгол ньюс мэдээллийн төвд мэдээлэл хийнэ.
- 15.00 цагт: НҮБ-ын Нийгэм, эдийн засгийн бодлогын зөвлөх, Колумбын Их сургуулийн зочин профессор, доктор Есуна Дугарова ЮНЕСКО-гийн дэргэдэх Нүүдлийн соёл иргэншлийг судлах олон улсын хүрээлэнд "Буриад-Монгол угсаатны ухамсарыг авч үлдэхэд эмэгтэйчүүдийн оролцоо, үүрэг" сэдвээр илтгэл хэлэлцүүлнэ.
- 20.00 Францын алдарт зохиолч Виктор Хюгогийн туурвисан бүтээлүүдийн ноён оргил “Инээмтгий хүн” романыг тайзны бүтээл болгосон визуал драмыг Pro театрын уран бүтээлчид РЦНК-ийн тайзнаа тоглоно.
Энэ өдөр дэлхийн түүхэнд:
- Өнөөдөр Дэлхийн физик эмчилгээний өдөр тохиож байна.
- Түүнчлэн өнөөдөр Пакистан улсад Ялалтын баярын өдөр тохиож байгаа юм байна.
- 1979 онд PINK хэмээх нэрээрээ алдаршсан Америкийн дуучин, жүжигчин, продюсер Alecia Beth Moore мэндэлжээ.
- 1978 онд Техранд болсон бослогыг дарах зорилгоор цэргүүд босогчдын эсрэг гал нээж, 3000 орчим хүний амийг авч одсон нь түүхэнд ХАР БААСАН ГАРИГ хэмээн тэмдэглэгдэн үлджээ.
