Есдүгээр сарын 1-ний өдөр
Өнөөдөр Улаанбаатар хотод +24 градус дулаан. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 244 дахь өдөр бөгөөд он дуусахад 121 хоног үлдлээ.
- Цаг агаар өдөртөө 24 хэмийн дулаан бол шөнөдөө 11 градус дулаан байх нь ээ.
- Билгийн тооллын 17. Сугар гараг. Шувуун хошуут одтой, хар нохой өдөр. Өдрийн наран 6 цаг 10 минутад мандан, 19 цаг 35 минутад жаргана. Үс шинээр үргээлгэх буюу засуулбал тохиромжгүй.
- Манай улсын голлох валют арилжааны төвд ам.долларын авах ханш 3472.00 төгрөг, зарах нь 3475.00 төгрөг байна. Харин рублийн авах ханш 35.90, зарах ханш 36.30, юанийн авах ханш 479.00, зарах ханш 481, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 08.00 цагт орон даяар 2023-2024 оны хичээлийн шинэ жилийн нээлт болно. Хичээлийн шинэ жилийн ерөнхий боловсролын сургуулийн эхний цагийн хичээл Монгол Улсын Ерөнхийлөгчийн “Дэлхийн нийслэл Хархорум” сэдэвт видео хичээлээр эхэлнэ.
-
10.00 цагт Гэгээн Ширээт Улсын Төрийн тэргүүн Пап Францис Монгол Улсын Ерөнхийлөгчийн урилгаар манай улсад Төрийн айлчлал хийхээр хүрэлцэн ирнэ.
-
11.00 цагт НҮБ, Тоёото компанийн Монгол дахь төлөөлөгчийн газар хамтран ХУД-ийн Яармаг дахь 63 дугаар сургуульд хөгжлийн бэрхшээлтэй хүүхдэд зориулсан цахилгаан шат суурилуулснаа хүлээлгэн өгөх үйл ажиллагаа болно.
-
16.30 цагт БНХАУ-ын Олон улсын хөгжил, хамтын ажиллагааны агентлагийн дарга Луо Жаохуй болон БНХАУ-ын Ойн аж ахуй, бэлчээрийн газрын дэд дарга Тань Гуанмин тэргүүтэй төлөөлөгчид 9 дүгээр сарын 1-3-нд манай улсад айлчилж байна. Өнөөдөр Төрийн ордонд БНХАУ-ын Засгийн газрын буцалтгүй тусламжаар хэрэгжүүлэх төслүүдийн талаарх хамтарсан хуралдааныг зохион байгуулан, баримт бичгүүдэд гарын үсэг зурж, “Цөлжилттэй тэмцэх Монгол-Хятадын хамтын ажиллагааны төв”-ийн нээлт болон 2 талын хамтарсан хэвлэлийн бага хурал хийх юм.
- 19.00 цагт МҮЭСТО-ы тайзнаа “Бүгд чамд хайртай” жүжгийн нээлт болно.
Энэ өдөр дэлхийн түүхэнд:
- Өнөөдөр Польш улсад Цагаан хоолны өдөр тохиож байна.
- Тайван улсад Сэтгүүлчдийн эрхийг хамгаалах өдөр тохиож байгаа аж.
- 1997 оны энэ өдөр БНСУ-ын алдарт BTS хамтлагийн гишүүн, дуучин Jungkook (Jeon Jung-Guk) мэндэлжээ.
- Мөн өнөөдөр ОХУ болон Украйн улсад Мэдлэгийн өдөр тохиож байна.
- Түүнчлэн өнөөдөр Монгол Улсад "Эх хэлний өдөр" тохиож байна.
