Наймдугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 242 дахь өдөр бөгөөд он дуусахад 123 хоног үлдлээ.
- Цаг агаар өдөртөө 25 хэмийн дулаан бол шөнөдөө 12 хэм дулаан байх нь ээ.
- Билгийн тооллын 14, Намрын тэргүүн цагаан бич сарын найман цагаан мэнгэтэй харагчин тахиа өдөр. Үс засуулбал эд мал арвидна. Гэрийн үйл хийгээд угаал үйлдэх, хувцас шинээр өмсөх, эсгэх тэргүүтэнд сайн. Түүнд төрсөн хүмүүн таван хоног хийгээд есөн сар, арван сар, арван жилд эс үхвээс номын явдалт, ядуувтар, үнэн өгүүлэгч, төрөл садандаа асрахуй сэтгэлт, урлахуй ухаанд мэргэн, өвөрчилөн сайн. Зуу наслана гэж номлосон. Өвдвөл найм арав хоногтоо хүчир, түүнээс хэтэрвэл амархан амирлана. Замд гарвал эд олно, тус бүхэн бүтнэ. Хулгайд алдвал дотнын нэгэн хүмүүн нь гадны хоёр хүмүүнтэй гурвуул хулгайлж аваад одсон, олдох нь нэн бэрх. Зүүн нүд татвал хувцас олно. Баруун нүд татвал жуулчин ирнэ. Баруун чих хангинавал баясгалантай болно. Зүүн чих хангинавал муу. Нохой уливал магалан болно. Хэрээ дуугарвал сайн муугийн ялгаагүй. Тагнай эрвэгнэвэл дээрэмчнээс болгоомжил. Бүх бие таталдвал аймшиг болно. Шилбэ татвал өвчний нигууртай гэж номлосон.
- Манай улсын голлох валют арилжааны төвд ам.долларын авах ханш 3472.00 төгрөг, зарах нь 3475.00 төгрөг байна. Харин рублийн авах ханш 35.90, зарах ханш 36.30, юанийн авах ханш 479.00, зарах ханш 481, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- Засгийн газрын ээлжит хуралдаан болно.
- 10.00 цагт: Жендэрийн эрх тэгш байдлыг хангах төрийн бодлого, хууль тогтоомжийг таниулах, мэдээлэх, жендэрийн мэдээллийн сан бүрдүүлэх хүрээнд Хорооны ажлын албанаас эрхлэн гаргасан хэвлэмэл бүтээгдэхүүнийг Улаанбаатар хотын нийтийн номын сангуудад түгээх үйл ажиллагаа МИУС-ын Номын санд болно.
- 11.30 цагт: Орон нутгийн өөрөө удирдах газрын эрхэнд халдаж байгаа тухай Дорноговь аймгийн Улаанбадрах сумын иргэдээс “Үндэсний мэдээллийн төв”-д мэдээлэл хийнэ.
- 19.00 цагт: Соёлын төв өргөөнд БНХАУ-ыг танин мэдэх нь-Өвөр Монголын соёлын өдрүүдийн нээлт болно.
- “Blue Sky Messengers” төслийн хүрээнд Европ-Монголын залуу хөгжимчдийн жазз оркестр Улаанбаатар, Дархан хотод өнөөдөр тоглолтоо эхлүүлж, есдүгээр сарын 2 хүртэл үргэлжилнэ.
- Хичээлийн шинэ жилд зориулсан үзэсгэлэн худалдааг Тусгаар тогтнолын талбай, АСА циркийн гадна талбай, Хичээнгүй сайд Б.Цэрэндоржийн талбай зэрэг Улаанбаатар хотын 18 байрлалд зохион байгуулж байна.
- "FOTCIENCIA" буюу шинжлэх ухааны сэдэвт гэрэл зургийн үзэсгэлэн 9 дүгээр сарын 15 хүртэл Норфэй арт галерейд үргэлжилнэ.
Энэ өдөр дэлхийн түүхэнд:
- Казахстаны Үндсэн хуулийг 1995 оны наймдугаар сарын 30-нд батлаад дараа нь 1998 ба 2007 онуудад засвар оруулжээ.
- Мустафа Кемаль. Туркийн Үндэсний их чуулган түүнд Ататюрк («Туркуудын эцэг») нэрийг 1933 онд олгожээ. Жил бүрийн энэ өдөр Турк өөрийн төрийн том баяр болох Ялалтын өдрийг (Victory Day / Zafer Bayrami) тэмдэглэдэг.
- 1700 оны энэ өдөр “Орос-Шведын Хойд нутгийн дайн” гэж нэрлэгдсэн дайн эхлэн 1721 он хүртэл үргэлжилжээ.
- 1873 онд Туйл судлаачид Юлиус Пайер ба Карл Вайпрехт арктикийн эзгүй арлуудыг нээж, Франц-Иосифын нутаг гэж нэрлэжээ.
- 1918 оны энэ өдөр Октябрийн хувьсгалын удирдагч Владимир Ленин олны өмнө үг хэлээд машиндаа суух гэж байхад нь гурван удаа буун дуу гарч, Ленин хүнд шархадсан байжээ.
