Өнөөдөр гадаа 19 хэмийн дулаан байх ба цаг агаар, валют болон онцлох үйл явдлын мэдээллийг танд хүргэе. Өдрийг сайхан өнгөрүүлээрэй.
8 дугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 236 дахь өдөр бөгөөд он дуусахад 129 хоног үлдлээ.
- Цаг агаар өдөртөө 19 хэм, шөнөдөө 8 хэмийн дулаан байх нь ээ.
- Билгийн тооллын 8, Намрын тэргүүн цагаан бич сарын
таван шар мэнгэтэй улаагчин туулай өдөр. Тус эм найруулан, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Түүнд төрсөн хүмүүн есөн хоног ба найман сар, найман жилд эс үхвэл баатарлаг зоригтой, цэвэр цэмцгэр, дайсныг номхотгогч, үргэлжид ширүүн өгүүлэгч, хилэнцэд баясгалантай, насны доод хэмжээ жаран дөрөв гэж номлосон. Замд гарвал эдийг олох, тахигдан хүндлэгдмүй. Хулгайд алдвал цайвар шар үстэй, ахархан хоншоорт тэрбээр аваачсан хэл,ам үл гаргавал олдох нигууртай. Баруун нүд татвал хувцас олох бөгөөд зүүн нүд татвал хэрүүл тэмцэл болюу. Баруун чих хангинавал олноо хүндлэгдэх. Нохой улих хийгээд хэрээ дуугарахын үрийг үл номлосон болой. Тагнай эрвэгнэвэл үзэсгэлэнтэй болой. Бүх бие таталзвал аюул болохын нигууртай. Шилбэний мах татвал дам үг дуулдана. - Манай улсын голлох валют болох ам.долларын ханш авах нь 3475.00 , зарах нь 3478.00 төгрөгтэй тэнцэж байгаа бол бусад валют болох рубль авах нь 36.60, зарах нь 37.00, харин юань авах нь 479.00, зарах нь 481.00, вон авах нь 2.59, зарах 2.61 төгрөгтэй тэнцэж байна.
Өнөөдөр болох онцлох үйл явдлууд:
- Банкны салбар дахь гадаадын хөрөнгө оруулалт сэдвээр Монголбанканд өглөөний уулзалт болно.
- Геологичид, судлаачид болон оюутан залууст зориулагдсан мэргэжлийн, нээлттэй семинар ШУТИС-ийн Төв номын санд болно. Энэхүү семинарыг ШУТИС-ийн Геологийн Судалгааны Төв, ГУУС-ийн Геологи, гидрогеологийн салбар болон MPTI хамтарч зохион байгуулж байгаа бөгөөд семинарт Хонг Конгийн Их Сургуулийн дэд профессор, доктор Александр Вэбб болон мөн тус сургуулийн докторын дараах судлаач, доктор Мари Гэнж нар оролцож илтгэл тавина.
- Монгол Улсад анх удаа “Монголын арбитрын өдөр-2023” олон улсын хурлыг МҮХАҮТ-д зохион байгуулна.
- “Сүрьеэгүй Ази тивийг бий болгох арга замыг эрэлхийлэх нь”олон улсын эрдэм шинжилгээний хурал Новотел зочид буудлын хурлын танхимд 2 дахь өдрөө үргэлжилнэ. Утас: 89647777
- “Blue Sky Messengers” төслийн хүрээнд Европ-Монголын залуу хөгжимчдийн жазз оркестр Улаанбаатар, Дархан хотод тоглолтоо эхлүүлнэ.
Энэ өдөр дэлхийн түүхэнд:
- 1516 онд I Селимийн удирдлаган дор Османы эзэнт гүрэн Мамлюкийн султант улсыг ялж, Марж Дабикийн тулалдаанд одоогийн Сирийг эзлэн авав.
- 1743 онд Малгайтнуудын дайн: Шведийн арми Хельсинк хотод оросуудад бууж өгснөөр дайн дуусжээ.
- 1781 онд Америкийн хувьсгалт дайн: Пенсильванийн цэрэгжсэн цөөнх хэсэг Америкийн индианчуудын бүлэглэл отолтод орж, дарагдсан нь Жорж Рожерс Кларкийг Детройт руу довтлох оролдлогоо орхиход хүргэв.
- 1815 онд Нидерланд орчин үеийн Үндсэн хуульд гарын үсэг зурав.
- 1820 онд Португалийн Опорто хотод үндсэн хуульчдын бослого болжээ.
- 1914 онд Дэлхийн нэгдүгээр дайн: Германы цэргүүд Намурыг эзлэв.
- 1942 онд Дэлхийн 2-р дайн: Зүүн Соломоны тулаан. Японы нисэх онгоц тээгч Рюүжо живж, долоон офицер, 113 багийн гишүүдээ алджээ. АНУ-ын USS Enterprise агаарын тээвэрлэгч онгоцонд их хэмжээний хохирол учирчээ.
- 1944 онд Дэлхийн 2-р дайн: Холбоотны цэргүүд Парис руу довтолж эхлэв.
- 1970 онд Вьетнамын дайны үеэр эсэргүүцэгчид Висконсин-Мэдисоны их сургуулийн Стерлинг танхимыг бөмбөгдөж, гэмт этгээдүүдийг олон улсын эрэл хайгуулд хүргэв.
