Өнөөдөр гадаа 22 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 17-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 229 дахь өдөр бөгөөд он дуусахад 136 хоног үлдлээ.
2. Цаг агаар өдөртөө 22 хэмийн дулаан бол шөнөдөө 7 хэм дулаан байх нь ээ.
3. Билгийн тооллын 1. Намрын тэргүүн цагаан бич сарын гурван хөх улаагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн. Үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хуврага болох, багш шавь барилдах, шинэ гэр байр авах, лус тахих, мал худалдан авах, хийморийн дарцаг хатгахад сайна. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Тэрсүүд өдөр. Үс шинээр үргээлгэх буюу засуулахад тохиромжгүй.
4. Валют арилжааны төвд ам.долларын авах ханш 3473.00 төгрөг, зарах нь 3477.00 төгрөг байна. Харин рублийн авах ханш 35.00, зарах ханш 36.00, юанийн авах ханш 480.00, зарах ханш 482.40, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 9.30 цагт: НҮБ-Хабитат-ын хэрэгжүүлэх "Гэр хорооллын иргэдийн үерийг тэсвэрлэх чадавхийг бэхжүүлэх" төслийг эхлүүлэх семинар Новотел зочид буудлын 4 давхарт болно.
- 11.00 цагаас ҮСХ-ноос мэдээлэл хийнэ.
- Сүүн хүчлийн бактери буюу пробиотик судлаачдын Азийн холбооны Олон улсын 13-р бага хурлыг наймдугаар сарын 17-18-нд Улаанбаатар хотноо Хөдөө аж ахуйн Их сургууль, Мал эмнэлгийн хүрээлэнгээс санаачлан Чингис хаан музейд зохион байгуулна. Тус эрдэм шинжилгээний хуралд 12 орны 70 гаруй тэргүүлэх эрдэмтэн, судлаачид оролцож, үндсэн болон салбар таван симпозиумд пробиотик, преобиотикийн талаар илтгэл хэлэлцүүлнэ.
- 15:00 цагт “Ган зам” паласт УИХ-ын гишүүн, Зам, тээврийн хөгжлийн сайд С.Бямбацогт зам, тээврийн салбарын хүний нөөцийн асуудлаар мэдээлэл хийнэ.
- 17.00 цагт: Монголын хөл бөмбөгийн эмэгтэй шигшээ баг эхний тоглолтоо БНХАУ-ын шигшээ багтай хийнэ,
- 20.23 цагт: Цаг агаарын нөхцөл байдлын улмаас 24 цагаар хойшлогдсон Зүүн Азийн залуучуудын наадмын нээлт Төв цэнгэлдэх хүрээлэнд болно.
Энэ өдөр дэлхийн түүхэнд:
- 1915 онд Америкийн Техас мужийн Галвестон хотод цагт 135 миль (217 км/цаг) хурдтай хар салхи болж байжээ.
- 1916 онд Дэлхийн 1-р дайн: Румын улс Антант гүрнүүдтэй нууц гэрээ байгуулав. Гэрээнд зааснаар Румын улс холбоотнуудын талд дайнд нэгдэхийг зөвшөөрөв.
- 1918 онд Большевикуудын хувьсгалын удирдагч Моисей Урицкий алагджээ.
- 1942 онд Дэлхийн 2-р дайн: АНУ-ын тэнгисийн явган цэргүүд Японы эзэмшилд байдаг Номхон далайн Макин арал руу дайрчээ.
- 1943 онд Дэлхийн 2-р дайн: АНУ-ын 8 дахь Агаарын хүчин Швайнфурт-Регенсбург номлолд 60 бөмбөгдөгч онгоцоо алджээ.
- 1945 онд Жеорж Оурелын “Амьтны ферм” зохиолын анхны хэвлэлт гарчээ.
- 1955 онд Дайан хар салхи Хойд Каролина мужийн Вилмингтон хотын ойролцоо хүрч, 184 гаруй хүний аминд хүрчээ.
- 1976 онд Филиппины Минданао эрэг дээр 7.9 магнитудын газар хөдлөлт болж, 5000-8000 хүн амиа алджээ. Газар хөдлөлтийн улмаас 90 мянган хүн орон гэргүй болсон юм.
- 1943 оны энэ өдөр Нэрт жүжигчин, интерепнер, продюсер Роберт Де Ниро мэндэлжээ.
