Өнөөдөр гадаа 22 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 16-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 228 дахь өдөр бөгөөд он дуусахад 137 хоног үлдлээ.
2. Цаг агаар өдөртөө 22 хэмийн дулаан бол шөнөдөө 14 хэм дулаан байх нь ээ.
3. Билгийн тооллын 29, Эм найруулан, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Түүнд төрсөн хүмүүн есөн хоног ба найман сар, найман жилд эс үхвэл баатарлаг зоригтой, цэвэр цэмцгэр, дайсныг номхотгогч, үргэлжид ширүүн өгүүлэгч, хилэнцэд баясгалантай, насны доод хэмжээ жаран дөрөв гэж номлосон. Замд гарвал эдийг олох, тахигдан хүндлэгдмүй. Хулгайд алдвал цайвар шар үстэй, ахархан хоншоорт тэрбээр аваачсан хэл,ам үл гаргавал олдох нигууртай. Баруун нүд татвал хувцас олох бөгөөд зүүн нүд татвал хэрүүл тэмцэл болюу. Баруун чих хангинавал олноо хүндлэгдэх. Нохой улих хийгээд хэрээ дуугарахын үрийг үл номлосон болой. Тагнай эрвэгнэвэл үзэсгэлэнтэй болой. Бүх бие таталзвал аюул болохын нигууртай. Шилбэний мах татвал дам үг дуулдана. Үс засуулбал: Эрлэг лугаа учирна
4. Валют арилжааны төвд ам.долларын авах ханш 3473.00 төгрөг, зарах нь 3477.00 төгрөг байна. Харин рублийн авах ханш 35.00, зарах ханш 36.00, юанийн авах ханш 480.00, зарах ханш 482.40, вонийн авах ханш 2.60, зарах ханш 2.62 төгрөг байна.
Өнөөдөр болох онцлох үйл явдлууд:
- 11.00 цагт Хөгжлийн бэрхшээлтэй хүүхэдтэй эцэг эхийн холбооноос эдгээр хүүхдийн сурч боловсрох эрх хэрхэн зөрчиж байгаа болон тулгамдаж буй асуудлаар хэвлэлийн бага хурал зарлалаа.
- 11.30 цагт “Хан Монгол” морьтны холбооноос Морьт харвааны олон улсын тэмцээн Чингисийн хүрээ цогцолборт энэ сарын 6-нд эхлэх талаар мэдээлнэ.
- 11.30 цагт АЖГ-аас "Тал нутгийн марафон" зохион байгуулах талаар мэдээлэл хийнэ
- 12.00 цагт УДЭТ-ын тайзнаа "Надтай үлдээч" жүжгийн хэвлэлийн бага хурал болно.
- 14.00 цагт Дефакто институт сангаас "Улс төрийн намуудын дотоод ардчиллын индекс 2019” судалгааны тайланг танилцуулна.
- 20.23 цагт Зүүн Азийн залуучуудын наадмын нээлт Төв цэнгэлдэх хүрээлэнд болно.
Энэ өдөр дэлхийн түүхэнд:
- 1930 оны энэ өдөр хамгийн анхны өнгөт, дуутай хүүхэлдэйн киног хийж байжээ.
- 1946 оны энэ өдөр Энэтхэг улсад 72 цагийн дотор 4000-аас их хүн мөргөлдөөнд амиа алдаж байжээ.
- 1557 оны энэ өдөр Итали улсын зураач Agostino Carracci мэндэлж байжээ.
- 1645 оны энэ өдөр Францын зохиолч Jean de La Bruyиre мэндэлжээ.
- Парагуад хүүхдийн баярын өдөр тохиож байна.
- 2016 оны энэ өдөр Америкийн телевизийн салбарын нэрт зүтгэлтэн John McLaughlin таалал төгсжээ.
