Өнөөдөр Улаанбаатар хотод өдөртөө 27 дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 14
Өглөөд заавал мэдэж байх ёстой зүйлүүд:
- Өнөөдөр бол жилийн 226 дахь өдөр бөгөөд он дуусахад 139 хоног үлдлээ.
- Цаг агаар өдөртөө 27 хэм, шөнөдөө 15 дулаан хэм дулаан байна.
- Билгийн тооллын 28, зуны адаг шарагчин хонь сарын зургаан цагаан мэнгэтэ хөх луу өдөр. Хувцас урлах, орныг барих, санд нууцлах, элдэв урлалын үйлд сайн. Түүнд төрөгсөд хоёр буюу дөрвөн сар буюу найм есөн жилд үл үхвэл дотоод сэтгэл нь муу бөгөөд эцэг эх нь хоосрохуй гэм буй. Ариун явдалтай ч харамч, насны доод хэмжээ жаран дөрөв гэж номлосон. Өвдвөл долоо хоногоос амирлаюу. Замд гарвал төрөлхтний асрахуй яриаг сонсоно. Хулгайд алдвал цайвар шар царайтай, том нүдтэй ба их цэрдгэр тэр бээр аваачсанусны хөвөөг шүтсэн өвчтөн хүмүүн нэгэнд өгөөд одсон. Нэгэн хоногт эс олдвоос хойш олдох нь нэн бэрх. Зүүн нүд татвал эд хомсдоно. Баруун чих хангинавал өчүүхэн төдий айдас болно. Зүүн чих хангинавал хэрүүл тэмцэл болно. Нохой уливал шуугилдаан болох бөгөөд хэрээ дуугарвал жуулчин ирнэ. Тагнай эрвэгнэвэл сэтгэл үймрэнэ. Бие татвал үйл ойр тогтохуй болно. Шилбэний мах татвал үзэсгэлэн болюу.
- Валют арилжааны төвд ам.долларын авах ханш 3472.00 төгрөг, зарах нь 3477.00 төгрөг байна. Харин рублийн авах ханш 36.00, зарах ханш 36.50, юанийн авах ханш 484.00, зарах ханш 485.50, вонийн авах ханш 2.63, зарах ханш 2.65 төгрөг байна.
Өнөөдөр болох онцлох үйл явдлууд:
- 12.00 цагт: “ЗМ” сонины мэдээллийн төвд: АН-ын залуус ХХБ-ны ТУЗ-ийн дарга Д.Эрдэнэбилэгээс байр, газраа авахыг шаардаж хэвлэлийн бага хурал зарлажээ.
- 13.00 цагт: “On’n Off production”-ийн байранд: “Татар” хамтлагийн 20 жилийн ойн тоглолтын хэвлэлийн хурал болно. Утас: 8806-0290.
- Манай улсад зохион байгуулж буй “Улаанбаатар-2023” Зүүн Азийн залуучуудын наадамд оролцох Япон, БНСУ, Хонгконг, Тайванийн төлөөлөгчид, улс орнуудын Үндэсний Олимпын хороодын 170 гаруй тамирчин, дасгалжуулагч, албаны хүмүүс ирж байна.
- “Олимпын боловсрол-2023”-ын волeйболын сорил тэмцээн эхэллээ. Медалийн төлөө 16-17-нд болох тэмцээнд оролцох хүүхдүүдийг бүртгэж эхэллээ.
