Өнөөдөр Улаанбаатар хотод 26 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 9-ний өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 221 дахь өдөр бөгөөд он дуусахад 144 хоног үлдлээ.
2. Цаг агаар өдөртөө 26 хэм дулаан, шөнөдөө 17 хэм дулаан байна.
3. Билгийн тооллын 23, Эд хураах, номын өглөг өгөх хийгээд угаал үйлдэх, эд гаднаас авах тэргүүтэнд сайн. Түүнд төрсөн хүмүүн есөн сар жилд эс үхвээс өчүүхэн бодолтон, их идэгч, омогтой бөгөөд өвчинд өртөгдөх нь амархан, хилэнцэт явдалт ширүүн өгүүлэгч, сэтгэлийн агаар муут нэгэн болно. Насны доод хэмжээг жаран дөрөв гэж номлосон. Өвдвөл гурван долоо хоногт хэцүү дараа нь амирлана. Замд гарвал тус хэрэг нь үл бүтнэ. Хулгайд алдвал хойноос ирсэн өндөр биетэй, яриа сайтай, шүд нь сэтэрхий цагаан үстэй, уруул нь унжсан, нэгэн эхнэр авсан. Хорин тав хоногийн дотор магад олдоно. Баруун нүд татвал элчтэй учирна. Чих хангинавал сайн мууг номлоогүй. Нохой хэрээ дуугарвал үрийг номлоогүй. Тагнай эрвэгнэвэл үзэсгэлэн болно. Бие татвалзвал бурханы ивээл ирнэ. Шилбэний мах таталзвал гаслан ирнэ гэж номлосон. Үс засуулбал: Эд эдлэл, идээ ундаа олдоно
4. Валют арилжааны төвд ам.долларын авах ханш 3457.00 төгрөг, зарах нь 3477.00 төгрөг байна. Харин рублийн авах ханш 34.20, зарах ханш 39.90, юанийн авах ханш 478.00, зарах ханш 484.20, вонийн авах ханш 2.54, зарах ханш 2.71 төгрөг байна.
Өнөөдөр болох онцлох үйл явдал:
- 09.00 цагт Анагаах ухааны сургуулийн Монгол-Японы эмнэлэгт: Монгол Улс, БНСУ-ын эмч нарын хамтарсан “Өвдөгний хиймэл үе суулгах роботок мэс засал-2023” үйл ажиллагааны нээлт болно.
- 09.30 цагт ШУА-д: Манай улсад зохион байгуулж буй “Тархи судлалын 7 хоног”-ийн хүрээнд олон улсын сургалт үргэлжилж байна.
- 11.40 цагт “Чингис хаан”-музейд: Цэнд гүнгийн орчуулсан “Монголын нууц товчооны ил түүх” номын нээлт болно.
Энэ өдөр дэлхийн түүхэнд:
- Өнөөдөр АНУ-д Номонд дурлагсдын өдөр тохиож байна.
- Мөн Өмнөд Африкт Эмэгтэйчүүдийн эрхийг хамгаалах өдөр болж буй.
- 1986 оны энэ өдөр "Тelle" хэмээх нэрээрээ алдаршсан Америкийн алдарт дуучин Tyler Smith мэндэлжээ.
- 1973 онд Зөвлөлтийн "Марс 7" сансрын хөлөг онгоц хөөрч байжээ.
