12 дугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 356 дахь өдөр бөгөөд он дуусахад 9 хоног үлдлээ.
- Цаг агаар өдөртөө -15 хүйтэн бол шөнөдөө -34 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Өвлийн тэргүүн цагаагчин гахай сарын 29. Бархасвадь гараг. Эрхтэний тэнгэр одтой, долоон улаан мэнгэтэй шарагчин тахиа өдөр. Өдрийн наран 8 цаг 39 минутад мандан, 17 цаг 02 минутад жаргана. Өвлийн туйл болох улирал 6 цаг 35 минутад эхэлнэ. Хүйтний ес эхэлнэ. Тухайн өдөр могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, улаа гаргах, хиншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд сүлд тэнэж одно хэмээжээ.
- Манай улсын голлох валют болох ам.долларын ханш авах нь 3457.00, зарах нь 3460.00 төгрөгтэй тэнцэж байгаа бол бусад валют болох рубль авах нь 48.00, зарах нь 50.80, юань авах нь 492.00, зарах нь 494.00 төгрөг, харин вон авах нь 2.67, зарах нь 2.69 төгрөг байна.
Өнөөдөр болох онцлох үйл явдлууд:
-
10.00 цагт “Улаанбаатар” зочид буудалд ЕБС-ийн 400 мянган хүүхдийн англи хэлний түвшинг ахиулах “GLOBAL NOMADS” төслийн нээлттэй.
-
10.00 цагт: Төрийн ордонд УИХ-ын чуулганы нэгдсэн хуралдаан болно.
-
11.00 цагт: Төрийн ордонд АН-ын “4/11 мэдээллийн цаг”-аар АН-ын дарга С.Эрдэнэ, УИХ-ын гишүүн Д.Ганбат, АН-ын ерөнхий нарийн бичгийн дарга Д.Эрдэнэсувд нар нүүрсний асуудалтай холбоотой мэдээлэл хийнэ.
-
11.30 цагт: “ЗМ” сонины Үндэсний мэдээллийн төвд "Цемент шохой" ТӨХК-ийн гүйцэтгэх захирал Л.Наранбаатар цаг үеийн асуудлаар мэдээлнэ.
-
12.00 цагт: Дуурь бүжгийн эрдмийн театрт Монгол Улсын гавьяат жүжигчин Д.Алтанхуяг хэвлэлийн бага хурал зарлажээ.
Энэ өдөр дэлхийн түүхэнд:
- Өнөөдөр жилийн хамгийн богино өдөр, урт шөнө тохиож байна
- Францын Шинжлэх ухааны академи байгуулагдав
- Өмнөд Солонгосын Ерөнхийлөгч Мүн Жэ Иний төрсөн өдөр
