Өнөөдөр гадаа -14 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
12 дугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 352 дахь өдөр бөгөөд он дуусахад 13 хоног үлдлээ.
- Цаг агаар өдөртөө -14 хүйтэн бол шөнөдөө -26 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Өвлийн тэргүүн цагаагчин гахай сарын 26. Сумъяа гараг. Салхины эх одтой, нэг цагаан мэнгэтэй улаан морь өдөр. Өдрийн наран 8 цаг 38 минутад мандан, 17 цаг 01 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойшоо мөрөө гаргавал зохистой. Үс шинээр үргээлгэх буюу засуулбал жаргал үргэлжид ирнэ хэмээжээ.
- Манай улсын голлох валют болох ам.долларын ханш авах нь 3448.00 зарах нь 3452.00 төгрөгтэй тэнцэж байгаа бол бусад валют болох рубль авах нь 51.80, зарах нь 52.50, харин авах нь юань 491.00, зарах нь 495.00, вон авах нь 2.65, зарах нь 2.67 төгрөг байна.
Өнөөдөр болох онцлох үйл явдлууд:
- 09.00 цагт: Төрийн ордонд УИХ-ын Эдийн засгийн байнгын хороо хуралдаж Зөвшөөрлийн тухай хуулийн шинэчилсэн найруулага болон Уул уурхайн бүтээгдэхүүний биржийн хуулийн төсөлд бэлтгэх талаар хэлэлцэнэ.
- 10.00 цагт: Төрийн ордонд МАН болон АН-ын бүлгийн хуралдаан болно.
Энэ өдөр дэлхийн түүүхэнд:
- Өнөөдөр Энэтхэгийн зүүн хэсэгт орших Goa мужид Эрх чөлөөний өдөр тохиож байна.
- 1989 оны энэ өдөр Beast хамтлагийн Joker буюу Yong Jun-hyung мэндэлжээ.
- 1986 оны энэ өдөр Английн алдарт хөлбөмбөгийн тамирчин Calvin Andrew мэндэлжээ.
- 2013 онд Европын сансрын агентлаг "Gaia" хэмээх сансрын хөлгөө хөөргөжээ.
- 2012 онд БНСУ-ын ерөнхийлөгч Пак Гын Хэ тус улсын анхны эмэгтэй ерөнхийлөгчөөр сонгогдож байжээ.
