Төрийн соёрхолт, дуучин Д.Болд “One shot” клипэндээ 1990-ээд оныхны амьдралын хэв маягийг дүрсэлжээ. Түүний содон шийдэлтэй гэж онцолсон “One shot”-д “The Voice of Mongolia” шоуны шүүгч, дуучин Ука, продюсер С.Ононбат, “Хурд” хамтлагийн гитарчин Д.Отгонбаяр тоглосон. Мөн “Шарк танк” нэвтрүүлгээр олны хараанд өртсөн бизнесмен Д.Энхтүвшин, хөтлөгч Г.Анхбаяр, Э.Ууганбаяр нар гэргийн хамт тогложээ.
Youtube хуудаснаа байршуулснаас хойш өнөөдрийн 19 цагийн байдлаар (2020.10.22) 295 мянга гаруй үзэгчдэд хүрч, 16 000 лайк авчээ. Үзэгч, сонсогчид түүний дууны клипэнд ам сайтай байгаа бөгөөд цоглог, гэгээлэг, гоё клип болсон байна гэсэн сэтгэгдэлүүд их бичсэн байна.
“One shot” дууны үгийг NENE бичиж, аяыг өөрөө зохиожээ.
Тэрбээр шинэ уран бүтээлийнхээ талаар фэйсбүүк хуудсандаа “Бид бүгд л дурсамжаараа жаргаж амьдардаг. Найз нөхөд болж, зүрх сэтгэлийн нандин дурсамжууд бүтээлцэж байгаа хүн бүрд энэ дууг зориуллаа. Жаргалтай үедээ үргэлж сонсож бас бүжиглэж байгаарай. Яагаад гэвэл би найзуудтайгаа жаргалтай байсан үеэ дурсан энэ дууг зохиосон” хэмээв.
