10 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 283 дахь өдөр бөгөөд он дуусахад 82 хоног үлдлээ.
- Цаг агаар өдөртөө 1 хэмийн дулаан бол шөнөдөө -7 градус хүйтэн байх нь ээ.
- Билгийн тооллын 20, долоон улаан мэнгэтэй цагаан морь өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр бар, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 42.80, юань 372.80, вон 2.14 төгрөг байна.
Өнөөдөр болох онцлох үйл явдлууд:
- “Улаанбаатар” олон улсын IX кино наадам энэ сарын 10-15 өдрүүдэд Tengis Cinema, iCinema Кино театрт зохион байгуулагдана. Тус наадмын нээлтийн ажиллагаа 19.00 цагт болох ба зохион байгуулагчид, уран бүтээлчдийн хэвлэлийн бага хурал 18.00 цагт Corporate hotel & convention center -ийн 5 давхарын "Улаанбаатар" хурлын өрөөнд болно.
- “Бүх нийтээр мод тарих үндэсний өдөр” энэ долоо хоногийн бямба гариг буюу аравдугаар сарын 14-нд тохиож байна. Энэ өдрийг угтан “ТАРЬЦ, СУУЛГАЦ – 2017” намрын үзэсгэлэн худалдаа 11.00 цагт МҮЭСТО-нд нээлтээ хийнэ.
- 11.00 цагт нийслэлийн Хэвлэл мэдээллийн төвд болох "Нээлттэй нийслэл" мэдээллийн цагт Баянзүрх дүүргийн удирдлагууд оролцож, сэтгүүлчдэд мэдээлэл өгнө.
- “Мал, амьтны халдварт болон зооноз өвчнүүд” сэдэвт олон улсын хурал 09.00 цагт Чингис зочид буудлын хурлын танхимд болно.
- Монголын кино урлагт түүхэн хуудас нээгдэж "Чингисийн хүүхдүүд" уран сайхны кино Академийн дээд шагнал 90 дэх удаагийн Оскарт анх удаагаа Монгол улсын нэр дор "Гадаад хэл дээрх" кино номинацад албан ёсоор өрсөлдөх эрхээ авлаа. Энэ тухай СТӨ-ний хойд талын Монголын театрын музейд 11.00 цагт мэдээлэл хийнэ.
- УИХ дахь Ардчилсан намын бүлгийн өргөтгөсөн хурлын талаар 10.00 цагт А танхимд хэвлэлийн бага хурал хийнэ.
Энэ өдөр дэлхийн түүхэнд:
- Өнөөдөр бол Гэр оронгүй хүмүүсийн эрхийг хамгаалах дэлхийн өдөр.
- өнөөдөр Сэтгэцийн эрүүл мэндийн дэлхийн өдөр тохиож байна.
- 1979 оны энэ өдөр H.O.T. хамтлагын гишүүн Kangta мэндэлжээ.
- Мөн 1994 оны энэ өдөр "Мөрөөдлөөс ч илүү" киногоороо алдаршсан Miss A хамтлагийн дуучин, жүжигчин Bae Suzy мэндэлжээ.
- 1975 онд Папуа Шинэ Гвиней улс НҮБ-д нэгджээ.
- 1970 онд Бүгд найрамдах Фижи улс бүгд найрамдах засаглалтай болжээ.
