100 гаруй сая дагагчтай 4 инфлюенсер Монголын өвлийн аялал жуулчлалыг дэлхийд сурталчилна
Сошиалд 37 сая дагагчтай дэлхийн од контент бүтээгч Нусейр Ясин буюу Нас Дэйли Монголд өнгөрсөн наймдугаар сард ирсэн. Тэгвэл тэрбээр 2024 оны гэрээндээ үргэлжлүүлэн зуржээ. Нас Дэйлигээс гадна манай улсад энэ жил улирал тутамд инфлюенсерүүд буюу нөлөөлөгч нар ирнэ. Тэд өвлийн аялал жуулчлалыг дэлхийд сурталчилж, нохой чарга, "Нэг жуулчинд - нэг хонь", өвлийн спорт зэргийг сурвалжлах юм.
2024-01-05
20 аймгийн 166 сумд өвөлжилт хүндэрчээ
Энэ сарын 3-4-нд шилжих шөнө ихэнх нутгаар цас орж, хүйтний эрч өмнөх өдрүүдийнхээс бага зэрэг чангарчээ. Үүний улмаас Баян-Өлгий, Говь-Алтай, Баянхонгор, Өмнөговийн өмнөд хэсэгт цасан бүрхүүлийн зузаан нэмэгдсэн гэнэ. Өчигдрийн байдлаар Увс аймгийн Малчин сумд 37, Хяргаст 35, Давстад 31 см-ийн зузаан цасан бүрхүүл тогтсон нь одоогоор дээд үзүүлэлт аж. Өвөлжилтийн нөхцөл байдал ийнхүү хүндэрсэнтэй холбоотойгоор УОК-ын Шуурхай штабынхан 21 аймгийн Онцгой комиссын гишүүдтэй цахим хурал хийсэн бөгөөд зудын эрсдэлийг даван туулах нэгдсэн төлөвлөгөө боловсруулахаар шийдвэрлэсэн гэнэ.
2024-01-05
Тээврийн хэрэгслийн цахим гэрчилгээ авах иргэд урт дараалал үүсгэв
Тээврийн хэрэгслийн цахим гэрчилгээ авах гэсэн жолооч нар техникийн хяналтын үзлэг, оношилгооны төвүүдэд өчигдрөөс урт дараалал үүсгэж эхэллээ. Тэд цахим орчинд “Оношилгооны төвд дөрвөн цаг дугаарлаж, ажлаа алдлаа”, “Холбогдох мэргэжилтнүүд нь зохион байгуулалт муутай байна”, “Иргэдэд тодорхой мэдээлэл өгөөгүй” гэх зэргээр бухимдлаа илэрхийлсэн. Иргэд ийнхүү дугаарласан шалтгаан нь цахим гэрчилгээгүй тээврийн хэрэгслийг хөдөлгөөнд оролцуулахгүй гэсэнтэй холбоотой аж. Мөн энэ сарын 8-наас гэрчилгээг төлбөртэй олгоно гэснээс ч шалтгаалсныг дугаарласан жолооч нарын төлөөлөл хэлж байлаа.
2024-01-05
Оюутнуудын автобусаар үнэгүй зорчих эрхийг түр хязгаарлалаа
Өмнө нь хэрэгжүүлж байсан Боловсролын тухай хуулийн 43.2.5-т “Нийтийн тээврийн хэрэгслээр хичээлдээ явах зайлшгүй шаардлагатай сурагч, оюутны нийтийн тээврийн хэрэгслээр зорчих зардлын 50 хүртэл хувьтай тэнцэх хэмжээний нөхөн олговрыг аймаг, нийслэлийн Иргэдийн төлөөлөгчдийн хурлаас тогтоосон журмын дагуу олгох” гэж заасан байв. Үүний дагуу оюутнууд автобусаар хөнгөлөлттэй зорчдог байсан юм. Харин уг хуулийн шинэчилсэн найруулгыг өнгөрсөн оны долоодугаар сарын сарын 7-нд батлахдаа дээрх заалтыг хасжээ. Тиймээс хуулийн шинэчилсэн найруулгын дагуу энэ оноос эхлэн оюутнууд хөнгөлөлттэй зорчих боломжгүйд хүрсэн гэж “Улаанбаатар смарт карт” компанийнхан тайлбарласан юм.
2024-01-05
“Шударга тэмцэгчид”-ийн өдүүлсэн хэргүүдийг шүүх хэзээ шийдвэрлэх вэ
Үүнээс гадна нийслэлийн Газрын албаны даргаар ажиллаж байсан Э.Болорчулууны хэргийг О.Магнайгийн үйлдэлд нэгтгэн, шүүхэд шилжүүлсэн юм билээ. Тодруулбал, ШӨХТГ-ын дарга байхдаа О.Магнай түүнд нөлөөлж ээжийнхээ эзэмшлийн “Дарханцамхаг” ХХК-д Баянзүрх дүүргийн I хорооны нутагт 896 ам метр газрыг 15 жилийн хугацаатай эзэмших эрх хууль бусаар олгуулсан хэрэгт хамтран оролцсон гэж яллагдагчаар татагдсан юм.
2024-01-05
Г.Сарангэрэлд гурав дахь удаагаа хорих ял шийтгэлээ
Тэрбээр БНХАУ-аас хар тамхи оруулж ирээд баригдсан хэрэгтээ гурван жил хорих ял шийтгүүлсэн ч уг хугацаанаас өмнө тэнсэн суллагдсан. Гэсэн ч удалгүй олон улсын шуудан илгээмжийн нэг байгууллагаар дамжуулан илгээсэн мансууруулах бодис хүлээн аваад “Блью скай” орчимд саатуулагдаж байсан юм. Гэвч шүүхээс түүнийг цагаатгаж, харин мөрдөн шалгах ажиллагаа явуулсан ЦЕГ-ын Хар тамхитай тэмцэх газрын мөрдөгч асан, ахлах дэслэгч Ж.Эрдэнэ-Ундрахыг Тагнуулын ерөнхий газрын Мөрдөн шалгах газарт эрүүгийн хэрэг үүсгэж шалгасан. Ингэхдээ Г.Сарангэрэлийг хамт яллагдагчаар татсан байдаг.
2024-01-05
Өнөөдөр -20 градус хүйтэн байна
05-нд төв болон зүүн аймгуудын нутгийн зарим газраар, 06-нд зүүн аймгуудын нутгийн зүүн хэсгээр, 07-нд Алтай, Хангайн уулархаг нутгаар, 08-нд баруун аймгуудын нутгийн зүүн хэсэг, төв болон говийн аймгууудын нутгийн зарим газар, зүүн аймгуудын нутгийн өмнөд хэсгээр цас орно.
2024-01-05
Ч.Батзориг: Тээврийн хэрэгслийн гэрчилгээгээ цахимжуулахад төлбөр төлөхгүй
Нийтийн тээвэрт парк шинэчлэл хийж байгаатай холбогдуулан тээврийн хэрэгслийн цахим гэрчилгээг нэвтрүүлж буй. 2023 оны наймдугаар сард нийслэлийн хэмжээнд, арваннэгдүгээр сараас улс орон даяар тээврийн хэрэгслийг цахимжуулж эхэлсэн. Энэ хугацаанд улсын хэмжээнд 128,400 орчим тээврийн хэрэгсэлд цахим гэрчилгээ(RFID tag)суурилуулаад байна. Улаанбаатар хотын хувьд үндсэн 16 байршилд тээврийн хэрэгслийн цахим гэрчилгээг суурилуулж байгаа. 2024 оны нэгдүгээр сараас эхлэн тээврийн хэрэгслийн үзлэг, оношилгоо эхэлсэн. Үзлэг, оношилгооны зэрэгцээ цахим гэрчилгээ суурилуулж буйтай холбоотойгоор ачаалал үүсэж байгаа юм. Энэ талаар Нийслэлийн Засаг даргын Төсөл, хөтөлбөр хариуцсан зөвлөх Ч.Батзоригоос тодрууллаа.
2024-01-04
Д.Даваабаяр: Улсын хэмжээнд 30 мянган тонн АИ92 шатахууны нөөцтэй байна
Манай улсад шатахууны нийлүүлэлт хэр байгаа талаар АМГТГ-ын Газрын тосны бүтээгдэхүүний хэлтсийн дарга Д.Даваабаяраас тодрууллаа. Тэрбээр “Яг өнөөдрийн байдлаар манай улсын шатахууны хангамж, нийлүүлэлт тогтвортой, хэвийн явагдаж байна. Улсын хэмжээнд 75 мянган тонн дизель түлш, 30 мянган тонн АИ92 шатахууны нөөцтэй байна. Статистик мэдээллээр манай улс сард 90 мянган дизель түлш хэрэглэдгээс 75 мянган тонн, 60 мянган тонн АИ92 шатахуун хэрэглэдгээс 30 мянга нь байгаа юм. Нэмээд ОХУ-ын нутаг дэвсгэр дээр 239 вагон буюу 14 мянган 340 тонн АИ92 бензин үйлдвэрээс ачигдаад замд явж байна. Мөн Монголын төмөр зам дээр 163 вагон АИ92 бензин байгаа гэх мэдээлэл бий” гэв.
2024-01-04
"Улсын аварга малчныг тодруулахад малын тоо толгойг хамааруулахгүй"
Жил бүрийн сар шинийн баярын өмнөхөн Засгийн газрын хуралдаанаар Улсын аварга болон хошой аварга малчин өрх, фермер, саальчин, тариаланч хамт олон, тариаланчийг шалгаруулдаг уламжлалтай. Тэгвэл энэ жилийн хувьд Улсын аварга малчин шалгаруулахад малын тоо толгойг тоолохгүйгээр нийгмийн өмнө хүлээсэн үүргээ хэр сайн биелүүлж буйг нь голлож авч үзэхээр болжээ. Энэ жилийн улсын аваргуудыг нэгдүгээр сарын 20-25-ны хооронд тодруулах аж.
2024-01-04
