Шриланк улсын Коломбо хотод үргэлжилж буй 14 хүртэлх насныхны АШТ-ий бүсийн сонгон шалгаруулах тэмцээнд дасгалжуулагч С.Сүхжаргалын удирдлагад өсвөр үеийн дөрвөн тамирчин улсаа төлөөлөн оролцож байна. Энэ сарын 23-нд өндөрлөх эл тэмцээний I тойргын тоглолтод Г.Ану-Үжин Балба улсын теннисчнийг 3:6, 6:2, 6:3, А.Энхзаяа эзэн орны тамирчныг 6:2, 6:3 хожиж, өрсөлдөөнөө үргэлжлүүлэхээр боллоо. Ташрамд дуулгахад, ӨМӨЗО-ы Хөх хотод дээрх тэмцээнтэй нэг өдөр эхэлсэн UTR холбооны өсвөрийн “DSX cup”-д Б.Ананд 12 насныхны ангилалд түрүүлж, тэргүүн байрт шалгарав.
