Трамвайн зураг төслийг боловсруулж байна гэв

Нийслэлийн удирдах ажилтнуудын шуурхай зөвлөгөөн өчиг­дөр болж, энэ онд хэрэгжүүлэх бүтээн байгуулалтуудын зураг төслийн ажлын явцын талаар хэлэлцлээ. “Хот төлөвлөлт, судал­гааны институт” орон нутгийн өмчит, аж ахуйн тооцоот үйлд­вэрийн газрынхан одоогоор трамвай, авто замын ангилал, зэрэг­лэл дээшлүүлэх, уулзваруудын нэвтрэх чадварыг сайж­руулах зэрэг 10 төслийг боловсруулж буй аж. Тухайлбал, нийс­лэлд хэрэгжүүлэх трамвайн зураг төслийг өдгөө боловсруулж буй бөгөөд ирэх сард батлуулах гэнэ. Трамвайг Д.Сүхбаатарын талбайгаас Буянт-Ухаа хүртэл явуулахаар төлөвлөсөн бөгөөд дундаж хурд нь 20-40 км/цаг гэж тооцжээ. Нэг чиглэлд 1300 ор­чим хүн зорчих боломжтой юм байна.
“Хот төлөвлөлт, судалгааны институт”-ийн дарга Р.Амар­түв­шин “Авто замын нэвтрэх чадварыг сайжруулах ажлын хү­рээнд 13 байршлын уулзварыг өргөтгөнө. Үүнд 32-ын тойрог, МУИС, “Зоос гоёл”, Гэсэр сүм, Механик ин­же­не­рийн сургуулийн уулзвар зэрэг багтсан. Энэ сарын 20-ноос эх­лэн дэд бүтцийн зураг төслийг боловсруулж, ирэх сарын 5-нд дуус­гахаар төлөвлөж байна. Харин төсвийг ирэх сарын 20-нд боловсруулж дуусгана” гэв.

М.Оч