Сурагчдад шүдний үзлэг хийх төсөлд дэмжлэг хүслээ
Төслийн зүгээс 2022 онд хоёр сургуулийн нийт 2406 сурагчид шүдний үзлэг хийхэд өвчлөл 90.8 хувьтай байжээ. Харин энэ жилийн хувьд есдүгээр сарын 11-15-нд дүүргийн Эрүүл мэндийн төвтэй хамтран хоёр сургуулийн 1-12 дугаар ангийн 2141 сурагчид үзлэг хийхэд шүдний цооролтын тархац 95 хувьтай байсан аж. Иймд “Эрүүл хотуудыг дэмжигч” ТББ-ын ерөнхийлөгч Чиба Мицүюки уг төслийн хүрээг тэлж, нийслэлийн хэмжээнд өргөжүүлэх, илүү олон сургуульд хэрэгжүүлэх хүсэлтээ уулзалтын үеэр илэрхийллээ.
2023-09-22
Хеликобактерийн тархалтыг бууруулж дийлэхгүй байна
Манай улсад хеликобактерийн тархалт жилээс жилд нэмэгдэж буй нь эрүүл мэндийн салбарынхны тулгамдсан асуудал болжээ. Хеликобактерийн тархалтыг бууруулахад иргэн, айл өрх, албан байгууллага бүр анхаарч, үр дүнтэй ажлууд зохион байгуулахыг салбарын олон эмч, мэргэжилтэн хөнддөг. Үүний хүрээнд шийдвэр гаргагчид ч оновчтой бодлого боловсруулан, нийгэмд чиглэсэн үе шаттай ажлуудыг хэрэгжүүлэх цаг болсныг ч тодотгож байна. Ялангуяа ирээдүй хойч үеэ энэ халдвараас сэргийлэх, тэднийг эрүүл мэндийн боловсролтой болгох нь чухал байна.
2023-09-22
“Ковид-19”-ийн пирола хэлбэр тархсаар байна
“Ковид-19”-ийн пирола хэмээн нэрлэсэн шинэ хэлбэрийн халдвараар өвчилсөн хүмүүсийг АНУ, Израил, ӨАБНУ, Британи, Португал, Дани, Швед, Норвегт бүртгэжээ. Энэхүү хэлбэрийн халдварлах “чадвар”, хурд нь коронавирусийн омикрон хувилбараас илүү гэж тогтоожээ. Түүнчлэн өмнөх хувилбаруудтай харьцуулахад дархлааг богино хугацаанд дарангуйлдаг гэнэ. Пиролагаар халдварлавал ханиаж, найтаан, өндөр халуурч, амьсгалахад хүндрэлтэй болж, толгой болон цээжний булчингууд өвдөж, бие сульдах шинж тэмдэг илэрдэг байна. Мөн дотор муухайрч, бөөлжиж, суулгаж болзошгүй ажээ. Энэ талаар ДЭМБ одоогоор ямар нэгэн зөвлөмж гаргаагүй гэнэ. АНУ-д нөхцөл байдлыг ажиглаж буй бол хойд хөршид амны хаалт зүүх дэглэм тогтоохоор бэлтгэж байгаа гэнэ.
2023-09-21
Завхан аймгийн Яруу сумд тарваган тахлын сэжигтэй тохиолдол бүртгэгджээ
Эл нөхцөл байдалтай холбогдуулан аймгийн Онцгой комисс хуралджээ. Халдвар авсан байж болзошгүй иргэн аймгийн төвд ирж, овооны тахилгад оролцсон тул ойрын хавьтлын хүн нь нэлээд олон байх магадлалтай гэнэ. Хавьтлуудыг тогтоох ажил өчигдөр үргэлжилж байв. Түүнчлэн аймгийн Засаг дарга захирамж гаргаж, Улиастай, Яруу сумд зургаа хоногийн хугацаатай хязгаарлалтын дэглэм тогтоожээ. Тарваган тахал өвчний нууц үе нь зургаа хоног учраас ийнхүү шийдвэрлэсэн байна. Эл шийдвэртэй холбоотойгоор МИАТ компаниас энэ сарын 21, 23, 25-нд товлосон Улиастайн чиглэлийн нислэгээ цуцлахаа өчигдөр мэдэгдлээ.
2023-09-21
Эрт илрүүлэгт 44 тэрбум төгрөг зарцуулжээ
Тухайлбал, 18-30 насны шинжилгээний өртөг 60 000 төгрөг аж. Тэгвэл 31-45 насныхан 130 000, 46- 60 настай бол 150 000 төгрөгийг эрт илрүүлэгт зарцуулж буй гэж ойлгох нь. 61- ээс дээш насныхны шинжилгээний өртөг 140 000 төгрөг юм байна. .Баярболд “2022 оны тавдугаар сараас хойш нийт 44 тэрбум төгрөгийг эрүүл мэндийн даатгалын сангаас эрт илрүүлэгт зарцуулаад байна” гэв. Хамгийн өндөр дүнтэй, 46-60 насныхны шинжилгээний багцад жишээ нь, биохими, шээс, элэгний В, ирусийн эсрэг бие илрүүлэх, өтгөнд далд цус илрүүлэх зэрэг оношилгоо багтаж буй аж.
2023-09-19
“Эрхтэн шилжүүлэн суулгах эмчилгээний эрх зүйн орчныг улам боловсронгуй болгоно”
Эрхтэн шилжүүлэн суулгах үйл ажиллагаатай холбоотойгоор Эрүүл мэндийн сайд С.Чинзориг өчигдөр мэдэгдэл гаргалаа. Эрхтэн шилжүүлэн суулгах багийнхан мэргэжлийн алдаа гаргаж, донорын ар гэрийнхэнд дутуу мэдээлэл өгсөн нь олон нийтийн шүүмжлэлд өртөөд буй билээ. Улмаар эрхтэн шилжүүлэн суулгах багийнхан хүний эд, эрхтнийг наймаалдаг байж ч болзошгүй гэсэн хардлага газар аваад байгаа юм. Нийгэмд үүсээд буй эл асуудалтай холбоотойгоор ЭМЯ-наас дүгнэлт гаргах баг томилж, хяналт шалгалтын үйл ажиллагааг эхлүүлснийг салбарын сайд дурдлаа. Түүнчлэн эрхтэн шилжүүлэн суулгах үйл ажиллагаа нарийн хяналт доор, 50-60 хүний бүрэлдэхүүнтэй 4-5 баг хэрэгжүүлдэг тул эд, эрхтний хулгай, наймаа явагдах боломжгүйг онцлов. Мөн эрхтэн шилжүүлэн суулгах эмчилгээтэй холбоотой эрх зүйн орчныг улам боловсронгуй болгохоо илэрхийллээ.
2023-09-19
БНСУ-ын Бусан хотын эмнэлгүүдтэй хамтарч ажиллана
Гэмтэл согог судлалын үндэсний төвийн Ерөнхий захирал Э.Галбадрах тэргүүтэй эмч мэргэжилтнүүд БНСУ-ын Бусан хотын Бусан их сургуулийн эмнэлэг, Кошин их сургуулийн “Коспел” эмнэлэг болон “Дэдун” эмнэлгийн удирдах албаны хүмүүстэй уулзалт хийж, хамтын ажиллагааны гэрээ байгууллаа.
2023-09-18
Зүрхний хэм алдалтыг хөлдөөх аргаар анагаах эмчилгээ нэвтрүүлэв
Бас эмчлүүлэгчид илрэх зовуурь, хүндрэл бага, 1-2 хоногийн дараа эмнэлгээс гарах боломжтой аж. Тухайлбал, нээлттэй мэс засал хийдэггүй, судсан дотуур нарийн гуурс гүйлгэн, зүрхний хэм алдаад байгаа хэсгийг хөлдөөдөг юм байна. Хөлдөөх аблаци эмчилгээ нь өндөр өртөгтэй учраас эрүүл мэндийн даатгалд хамруулах шаардлагатайг УГТЭ-ийнхэн хэлж байлаа. Монгол Улсад шинээр нэвтрүүлж байгаа эмчилгээг тодорхой хэмжээний судалгаа хийсний дараа үр дүнг нь үнэлснээр эрүүл мэндийн даатгалд хамруулах, эсэхийг шийддэг аж.
2023-09-15
Сүүлийн таван жилд хүн амын хооллолтод гарсан өөрчлөлтийг судлах нь
Мөн тав хүртэлх насны хүүхэдтэй өрхийн хүнсний баталгаат байдал, ариун цэвэр, усан хангамжийг анх удаа үнэлнэ. Ингэснээр өрхийн гишүүдийн хоол тэжээлийн нөхцөл байдлыг дүгнэх гэнэ. Цаашлаад сүүлийн таван жилд хүн амын хооллолт, хоол тэжээлийн байдалд гарсан өөрчлөлтийг 2016 оны үзүүлэлттэй харьцуулан тодорхойлох аж. Үүний үр дүнд үндэслэн цаашид хэрэгжүүлэх ажил, дүгнэлт зөвлөмжийг боловсруулан Засгийн газар болон холбогдох мэргэжлийн байгууллагад хүргүүлэх нь.
2023-09-13
Хүүхдийн хөгжлийн цогц судалгаа хийжээ
Хүүхдүүдийн биеийн жингийн индексийг амьдарч буй байршлаар нь ангилан үзсэн аж. Тэгэхэд нийслэлд амьдарч буй хүүхдүүд бага болон хэвийн жинтэй байсан гэнэ. Харин аймгийн төвд амьдарч буй хүүхдүүдийн 0.8, сумд амьдардгийнх нь 1.2 хувь нь жингийн илүүдэлтэй байжээ. Судалгаанд хамрагдсан хүүхдүүдийн 37.9 хувь нь орон сууцад, 52.2 хувь нь гэр хороололд буюу цэвэр, бохир усны шугамд холбогдоогүй орчинд амьдарч байсан гэв. Түүнчлэн нийслэлд амьдарч буй хүүхдүүдийн цээжний тойрог 54.6, аймаг, сумд амьдарч буйнх нь 55.3-55.6 см байжээ. Өөрөөр хэлбэл, орон нутагт амьдарч байгаа хүүхдүүдийн цээжний тойрог нь нийслэлд амьдарч буй хүүхдүүдийнхээс 1-1.3 см-ээр илүү байсан аж.
2023-09-13
Томуугийн эсрэг дархлаажуулалтыг ирэх сарын 18-наас эхлүүлнэ
Ирэх сарын 17-нд хүлээн авна. Ингээд бэлтгэл ажлыг хангаснаар 18-наас зорилтот бүлгийнхнийг дархлаажуулалтад үнэ төлбөргүй хамруулах юм. Өнгөрсөн жилийнхтэй адил дөрвөн цэнт вакцин захиалсан. Энэ нь томуугийн A, B хүрээний тус бүр хоёр вирусийн эсрэг үйлчилгээтэй. Зорилтот бүлэгт цэцэрлэг, сургуулийн хүүхдүүд болон 65-аас дээш насныхан, хөхүүл, жирэмсэн эхчүүдийг хамруулна. Иргэд сайн дураар вакцин хийлгэх боломжтой” гэв. Вакцины дархлаа тогтоох хугацаа зургаан сар бөгөөд голчлон өрхийн эрүүл мэндийн төвүүдээр хийх аж.
2023-09-13
ГССҮТ-ийн насанд хүрэгсдийн мэс заслын тасгийг засварлан тохижуулжээ
ГССҮТ-ийн насанд хүрэгсдийн мэс заслын тасгийг засварлан тохижууллаа
Гэмтэл согог судлалын үндэсний төвийн Насанд хүрэгсдийн мэс заслын тасагт иж бүрэн засвар хийж, нэмж тохижуулан ашиглалтад орууллаа. Төвийн тавдугаар давхарт байрлах тус тасгийн цэвэр болон бохир усны шугамыг шинэчлэн сольж, үйлчилгээний ажилтнуудад зориулсан цэвэрлэгээний ус авах, бохир ус зайлуулах тусгай булан байгуулсан байна.
Мөн хэвтэн эмчлүүлэгчдийн эмчилгээ, үйлчилгээнд нийцүүлэн өрөө бүрт гүйдэг хаалга, интернет сүлжээ, 180 градус эргэдэг орны гэрэл, цахилгаан залгуур болон дуут дохиолол бүхий утаа мэдрэгчийг суурилуулж, дуу чимээнээс тусгаарлах зориулалтын эко хавтангаар ханыг засварлан тохижуулжээ.
Тус тасгийн нийтийн эзэмшлийн талбай буюу коридорт эрчим хүчний хэмнэлт бүхий гурван шатлалт гэрлийн унтраалга, галын дохиоллын систем, аваарын гарц, авагддаг төмөр дүүжин тааз хийснээр эмнэлгийн тусламж үйлчилгээг стандарт шаардлагад нийцсэн тохилог орчинд үзүүлэх боломж бүрджээ.
2023-09-12
