9 дүгээр сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 255 дахь өдөр бөгөөд он дуусахад 110 хоног үлдлээ.
- Цаг агаар өдөртөө 21 хэмийн дулаан бол шөнөдөө 5 градус дулаан байх нь ээ.
- Билгийн тооллын 22, найман цагаан мэнгэтэй хар бар өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр морь, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2454.00 төгрөгтэй тэнцэж байгаа бол бусад валют болох рубль 43.20, юань 378.00, вон 2.16 төгрөг байна.
Өнөөдөр болох онцлох үйл явдлууд:
- Ц.Балдорж агсны нэрэмжит сэтгүүл зүйн дээд шагнал гардуулах ёслол өнөөдөр болно.
- Нийтийн тээврийн үйлчилгээ эрхлэгч жолооч нар Хангарьд ордны гадаа 10.00-11.00 цагийн хооронд жагсана. Тэд үндэсний үйлдвэрийн автобусаар хотын нийтийн тээвэрт парк шинэчлэл хийхийг, мөн хотын даргыг огцрохыг шаардана.
- Монгол Улсын Ерөнхийлөгчийн санаачилгаар зохион байгуулж буй Монгол Улсын Хүнсний аюулгүй байдлын үндэсний чуулган Төрийн ордонд 09.00 цагт эхэлнэ.
- Үндэсний мэдээллийн төвд 11.00 цагаас Оффшор данстай нэр холбогдсон улс төрчдийг 49 хоногт багтаан мөнгөө оруулж ирэхийг МУ-ын Ерөнхийлөгч шаардсан боловч хэн ч биелүүлээгүй. Мөн 60 тэрбумтай холбоотой асуудлаар хууль хяналтын байгууллага дорвитой ажил зохион байгуулахгүй байгаа тул ТББ-ууд нэгдэн тэмцэхээр болсон талаар хэвлэлийн хурал зарлалаа
- Монгол Улсын нийгэм, эдийн засгийн 2017 оны 8 сарын байдлаарх хэвлэлийн бага хурал 11.00 цагаас ЗГ-ын 3-р байрны 204 тоот мэдээллийн танхимд болно.
Энэ өдөр дэлхийн түүхэнд:
- 1971 оны энэ өдөр Өмнө Солонгосын дуучин, жүжигчин Ань Жэ-үк мэндэлжээ.
- 1986 оны энэ өдөр Японы хөлбөмбөгийн тамирчин, Yuto Nagatomo мэндэлжээ.
- 1973 оны энэ өдөр Галзуу хурд цувралын алдарт жүжигчин Paul Walker мэндэлж байжээ. Харамсалтай нь тэрээр 2013 онд ослоор таалал төгссөн юм.
- 2011 онд 2011 оны 9 сарын 11-ний дайралтаар амь насаа үлдсэн хүмүүсийн дурсгалд зориулсан Нью Йорк хотын 9/11 Memorial музей олон нийтэд нээлттэй болжээ.
- 2003 онд Иракийн дайны үеэр АНУ-ын Зэвсэгт хүчин андуурч гал нээж Иракийн 8 цэргийн оффицерийн аминд хүрчээ.
