9 дүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 254 дахь өдөр бөгөөд он дуусахад 111 хоног үлдлээ.
- Цаг агаар өдөртөө 20 хэмийн дулаан бол шөнөдөө 4 градус дулаан байх нь ээ.
- Билгийн тооллын 20, есөн улаан мэнгэтэй цагаагчин үхэр өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр тахиа, могой жилтнээ аливаа үйлийг хийхэд эерэг сайн, хулгана жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2450.00 төгрөгтэй тэнцэж байгаа бол бусад валют болох рубль 43.80, юань 380.50, вон 2.17 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас ОХУ-ын Буриадын эрэл хайгуулын багийнхан Халхын голд хийсэн эрэл хайгуулын ажлынхаа үр дүнгийн талаар мэдээлэл хийнэ.
- "Монгол-Хоккайдогийн бизнес форум" 09.00 цагт ГХЯ-ны Зөвшилцөл танхимд болно.
- 10.20 цагаас Зайсангийн ХААИС-ийн уулзварын нээлт болно.
- Багш нарын цалинг нэмэгдүүлэх асуудлаар 21 аймгийн Багш нарын төлөөлөл 14.00 цагаас Live conference center төвд мэдээлэл хийнэ.
Энэ өдөр дэлхийн түүхэнд:
- 2001 онд АНУ-ын худалдааны ихэр цамхагийг нураасан халдлага болов. Онгоц барьцаалагчид Нью-Йорк дахь Дэлхийн Худалдааны Төвийн барилгыг нурааж, Виржини муж улсын Арлингтон дахь Пентагоны барилгад гэмтэл учруулсан. Мөн барьцаалагдсан нэг онгоц Пеннсилвани муж улсын Шанксвиллд осолджээ.
- Өнөөдөр Аргентин улсад Багш нарын баярын өдөр тохиож байна.
- 1987 оны энэ өдөр Италийн алдарт хөлбөмбөгчин Robert Acquafresca мэндэлжээ.
- Мөн 1977 оны энэ өдөр "Ludacris" хэмээх нэрээрээ алдаршсан Америкийн реппер Christopher Brian "Chris" Bridges мэндэлжээ.
- 1997 онд НАСА-гийн хөөргөсөн "Mars Global Surveyor" хэмээх робот сансрын хөлөг Ангараг гаригт хүрчээ.
