9 дүгээр сарын 8-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 251 дахь өдөр бөгөөд он дуусахад 116 хоног үлдлээ.
- Цаг агаар өдөртөө 22 хэмийн дулаан бол шөнөдөө 7 градус дулаан байх нь ээ. Шөнөдөө бага зэргийн бороо орох гэнэ.
- Билгийн тооллын 17, гурван хөх мэнгэтэй шар нохой өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр морь жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2443.00 төгрөгтэй тэнцэж байгаа бол бусад валют болох рубль 42.20, юань 374.30, вон 2.15 төгрөг байна.
Өнөөдөр болох онцлох үйл явдлууд:
- Нийслэлийн Баянзүрх дүүргийн 24-р хорооны нутаг дэвсгэрт АНУ-ын Аляск мужийн цэргийн гвардийн барьсан 50 хүүхдийн цэцэрлэгийн нээлтийн арга хэмжээ 10.00 цагаас болно.
- Дуурь бүжгийн эрдмийн театрт 12.00-16.00 цагийн хооронд Академич П.Нямдаваагийн шинэ бүтээлүүдийг залах НОМЫН БАЯР арга хэмжээ болно.
- Хэвлэлийн хүрээлэнд 16.00 цагаас ХБНГУ-ын Дойчи Велле Академи болон хэвлэлийн хүрээлэнгийн хамтарсан эрэн сурвалжлах сэтгүүл зүйн мэргэшүүлэх сургалтын анхны төгсөлт болж, эрэн сурвалжлах сэтгүүлчид гэрчилгээгээ гардан авна.
- Урологи-Андрологийн төвийн 60 жилийн ойг тохиолдуулан “Урологийн дурангийн мэс заслын орчин үеийн чиг хандлага” сэдэвт олон улсын хурлын нээлт болно.
- Хэвлэлийн Хүрээлэнгийн мэдээллийн төвд 11.00 цагаас Эрүүл мэндийн тусламж, үйлчилгээ орон нутгийн түвшинд ямар байна вэ? сэдэвт хэвлэлийн хурал болно.
- 09.00 цагт Шангрилла зочид буудалд "Coal Mongolia" чуулга үргэлжилнэ.
- "Зууны мэдээ" сонины "Үндэсний мэдээллийн төв"-д 11.00 цагаас Төрөлхийн тулгуур эрхтний бэрхшээлтэй төрсөн эгч дүү хоёрын эмчилгээнд зориулан нийтийн дуучид хандивын тоглолт хийхээр болсон талаар мэдээлнэ.
Энэ өдөр дэлхийн түүхэнд:
- Өнөөдөр Дэлхийн физик эмчилгээний өдөр тохиож байна.
- Түүнчлэн өнөөдөр Пакистан улсад Ялалтын баярын өдөр тохиож байгаа юм байна.
- 1979 онд PINK хэмээх нэрээрээ алдаршсан Америкийн дуучин, жүжигчин, продюсер Alecia Beth Moore мэндэлжээ.
- 1978 онд Техранд болсон бослогыг дарах зорилгоор цэргүүд босогчдын эсрэг гал нээж, 3000 орчим хүний амийг авч одсон нь түүхэнд ХАР БААСАН ГАРИГ хэмээн тэмдэглэгдэн үлджээ.
