9 дүгээр сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 250 дахь өдөр бөгөөд он дуусахад 117 хоног үлдлээ.
- Цаг агаар өдөртөө 16 хэмийн дулаан бол шөнөдөө 6 градус дулаан байх нь ээ. Шөнөдөө бороо орох гэнэ.
- Билгийн тооллын 16, дөрвөн ногоон мэнгэтэй улаагчин тахиа өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр могой жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2443.00 төгрөгтэй тэнцэж байгаа бол бусад валют болох рубль 42.60, юань 374.50, вон 2.16 төгрөг байна.
Өнөөдөр болох онцлох үйл явдлууд:
- 11.30 цагт Монголын Үндэсний дээд сургуульд “Оюутан цагдаа-2017” их дээд сургуулийн оюутны эргүүлийн үйл ажиллагааны нээлт болно.
- MN-Мэдээллийн төвд 11.00 цагаас “Хаппи веритас” оношилгооны төвөөс элэгний шинжилгээ, оношилгоо үнэ төлбөргүй хийх сарын аян зарлаж байгаа талаараа мэдээлэл хийнэ.
- Зууны мэдээ Үндэсний мэдээллийн төвд 11.30 цагаас Иргэдийн шударга шүүх, Монголын худалдаачдын холбоо, Хүний төлөө нам хамтран МАН-д шаардлага хүргүүлэхээр болжээ. Тэд шаардлагынхаа талаар мэдээлэл өгөхөөр хэвлэлийн хурал зарлаж байна.
- Бутаны Вант Улсын Гадаад хэргийн сайд эрхэмсэг ноён Дамчо Доржи-гийн айлчлал үргэлжилж байна.
- “Улаанбаатар түншлэл-2017” Олон улсын үзэсгэлэнгийн нээлт 14.00 цагт “Мишээл Экспо” төвд болно.
Энэ өдөр дэлхийн түүхэнд:
- Өнөөдөр Мозанбек улсад Ялалтын баярын өдөр тохиож байна.
- Мөн өнөөдөр бол Украйн улсын Цэргийн тагнуулын өдөр юм байна.
- 1987 оны энэ өдөр АНУ-ын жүжигчин, дуучин Evan Rachel Wood мэндэлжээ.
- 2004 онд Атлантын далайд маш догшин далайн хар шуурга үүсч, 39 хүний амийг авч одож, байшин барилгын 90 хувийг сүйтгэжээ.
- 2005 онд Египет улсад анхны ардчилсан ерөнхийлөгчийн сонгууль явагджээ.
