Өнөөдрийн тухай таны мэдэх ёстой 14 зүйл: Цэргийн албанд эмч нарын буруутай үйлдлээс болж нүд нь хараагүй болсон талаар мэдээлнэ

9 дүгээр сарын 5-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 248 дахь өдөр бөгөөд он дуусахад 119 хоног үлдлээ.
2. Цаг агаар өдөртөө 22 хэмийн дулаан бол шөнөдөө 4 градус дулаан байх нь ээ. 
3. Билгийн тооллын 14, зургаан цагаан мэнгэтэй хөхөгчин хонь өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр гахай, туулай  жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2436.00 төгрөгтэй тэнцэж байгаа бол бусад валют болох рубль 42.50, юань 372.30, вон 2.14 төгрөг байна.

Өнөөдөр болох онцлох үйл явдлууд: 

1. Цэргийн алба хаах хугацаандаа эмч нарын буруутай үйлдлээс болж зүүн нүд нь хараагүй болсон талаар  Live conference center төвд 12.00 цагаас мэдээлэл хийнэ.
2. “Да” хүрээ захын баруун тал байрлах Хаан банкны ард 12.00-13.00 цагийн хооронд БЗД-ийн өрхийн амжиргаа доогуур айл өрхүүдийн өвөлжилтийн бэлтгэл ажилд дэмжлэг үзүүлэх зорилготойгоор “МСS Asia Pacific Brewery” ХХК-ний зүгээс нийт 10,000 евро буюу 28,5 сая төгрөгийн буцалтгүй тусламж үзүүлж байгаагаас эхний ээлжинд тус дүүргээс 6 өрхөд иж бүрэн өвлийн ГЭР хандивлах үйл ажиллагаа болох гэж байна.
3. 11.30 цагаас Хэвлэлийн хүрээлэнд Их хэлмэгдүүлэлтийн 80 жилтэй холбогдуулан Цаазлагдсан хэлмэгдүүлэгчдийн хүүхдүүд Үндэсний аюулгүй зөвлөлд хандан хэвлэлийн бага хурал зарлалаа. 
4. MN-мэдээллийн төвд 12.00 цагаас Баянзүрх дүүргийн ИТХ дахь МАН-ын бүлгээс цаг үеийн асуудлаар хэвлэлийн бага хурал зарлалаа.

Энэ өдөр дэлхийн түүхэнд: 

1. Өнөөдөр Энэтхэг улсад Багш нарын баярын өдөр тохиож байна.
2. 1534 онд Францын судлаач, эрдэмтэн  Жака Картьегийн канад руу явуулсан далайн аялал дууссан.
3. 2000 онд Протон Пуужин зөөгчийг амжилттай хөөргөсөн.
4. 1905 онд Портсмушейн найрамдлаар Орос Японы дайн төгссөн (Орос Японд Порт-Артур ба Өмнөд Солонгосыг Японы нөлөөнд байхыг зөвшөөрсөн).
5. 1990 онд Мөсөн гүнж хэмээгддэг БНСУ-ын уран гулгалтын тамирчин, 2010 оны Олимпийн аварга, 2014 оны мөнгөн медальт Ким Юна /Kim Yuna/ мэндэлжээ.
6. 1996 онд АНУ-д болсон 115 миллийн хурдтай хар салхи газрын нуранги үүсгэж, 3 тэрбум ам.долларын хохирол учруулж, 27 хүний амь насыг авч оджээ.