Өнөөдрийн тухай таны мэдэх ёстой 19 зүйл: МҮЭХ цаг үеийн тулгамдсан шуурхай асуудлаар мэдээлэл хийнэ

9 дүгээр сарын 4-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 247 дахь өдөр бөгөөд он дуусахад 118 хоног үлдлээ.
2. Цаг агаар өдөртөө 15 хэмийн дулаан бол шөнөдөө 6 градус дулаан байх нь ээ. Өдөртөө бага зэргийн бороо орох гэнэ.
3. Билгийн тооллын 13, долоон улаан мэнгэтэй хөх морь өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр бар, нохой  жилтнээ аливаа үйлийг хийхэд эерэг сайн, хулгана жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2435.00 төгрөгтэй тэнцэж байгаа бол бусад валют болох рубль 41.80, юань 369.20, вон 2.12 төгрөг байна.

Өнөөдөр болох онцлох үйл явдлууд: 

1. 11.00-12.00 цагийн хооронд МУИС I байр, Эрдмийн танхимд Монгол Улсын Их Сургууль, Монгол Улсын Засгийн газрын Агентлагуудтай хамтын ажиллагааны гэрээ байгуулах ёслолын ажиллагаа болно.
2. МУИС-ийн 75 дах удаагийн хичээлийн шинэ жилийн нээлт 09.00 цагт төв байрны гадна талбайд болно.
3. Монголын үндэсний брэндийн анхдугаар зөвлөгөөн 14.00 цагт Гадаад харилцааны яамны “Зөвшилцөл” танхимд зохион байгуулагдана. 
4. МҮЭХ-ны байранд 12.00 цагаас МҮЭХ цаг үеийн тулгамдсан шуурхай асуудлаар мэдээлэл хийнэ.
5. 14.00 цагаас Ерөнхийлөгчийн тамгын газар, Монголын үндэсний хүмүүнлэгийн хороо хамтран "Хүмүүнлэгийн талаар төрөөс баримтлах бодлого, чиглэл" хэлэлцүүлэг зохион байгуулна.
6. ЦССҮТ-өөс Сар болгоны 3-ны цус хандивлах үйл ажиллагааг Номин Холдинг компанитай хамтрахаар болсон бөгөөд өнөөдөр 10.00 цагт Хан Уул Дүүргийн NOMIN UNITED-ийн захиргаанд нээлтийн үйл ажиллагаа болно.
7. Зууны мэдээ сонины Үндэсний мэдээллийн төвд 11.00 цагт Монгол улсын Үндсэн хуульд хууль бусаар нэмэлт өөрчлөлт оруулах гэж байгаа талаар Үндсэн хуулийн цэцэд хандсан байна. Зөвлөлдөх санал асуулгын тухай хууль нь Монгол улсын Үндсэн хуулийг зөрчжээ. Энэ талаар мэдээлэл хийнэ.
8. Зууны мэдээ сонины Үндэсний мэдээллийн төвд 11:.30 цагт "Ард түмний онц зөвлөл"-өөс Авлигатай тэмцэх газарт онцгойлон шаардлага хүргүүлэх асуудлаар мэдээлэл хийнэ.
9. Зууны мэдээ сонины Үндэсний мэдээллийн төвд 12.00 цагт Тооцоо судалгаагүй үрсэн 24 тэрбумыг автомашины бизнес эрхлэгчид нөхөх ёсгүй. Энэ талаар Нийтийн эрхийг хамгаалах холбоо, Нийслэлийн автомашины сэлбэгийн худалдаа эрхлэгч иргэдийн үйлдвэрчний эвлэлийн хорооноос мэдээлэл хийнэ.
10. MN-Мэдээллийн төвд 11.00 цагаас “Монголиа Волкслифт” ХХК-иас цахилгаан шатны аюулгүй байдал, чанарын асуудлаар хэвлэлийн бага хурал зарлалаа.
11. MN-Мэдээллийн төвд 11.30 цагаас Баянзүрх дүүргийн ЗДТГ, ИТХ-аас тус дүүргийг өөрчлөн зохион байгуулж хоёр дүүрэг болгох асуудлаар мэдээлэл хийнэ.
12. MN-Мэдээллийн төвд 12.30 цагаас Их хэлмэгдүүлэлтийн 80 жилийн ой тохиож буйтай холбогдуулан Улсын цагаатгалын комисс, Монголын хэлмэгдэгчдийн холбоо хамтран мэдээлэл хийнэ.

Энэ өдөр дэлхийн түүхэнд: 

1. Өнөөдөр Аргентин улсад Цагаачдын эрхийг хамгаалах өдөр тохиож байна.
2. 1981 оны энэ өдөр Америкийн алдарт дуучин Beyoncй мэндэлжээ.
3. 1957 онд "Форд" компани Edsel машинаа танилцуулж байжээ.