Өнөөдрийн тухай таны мэдэх ёстой 15 зүйл: Долларын ханш өсчээ

9 дүгээр сарын 1-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 244 дахь өдөр бөгөөд он дуусахад 121 хоног үлдлээ.
2. Цаг агаар өдөртөө 22 хэмийн дулаан бол шөнөдөө 10 градус дулаан байх нь ээ. Өдөртөө бага зэргийн бороо орох гэнэ.
3. Билгийн тооллын 11, нэг цагаан мэнгэтэй цагаагчин туулай өдөр. Өнөөдөр үсээ авахуулах буюу засуулбал эрхтэн хурц болох гэнэ. Энэ өдөр хонь, гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2435.00 төгрөгтэй тэнцэж байгаа бол бусад валют болох рубль 41.80, юань 369.20, вон 2.12 төгрөг байна.

Өнөөдөр болох онцлох үйл явдлууд: 

1. 08.00 цагт Ерөнхий сайд Ж.Эрдэнэбат Ерөнхий боловсролын гуравдугаар дунд сургуулийн хичээлийн шинэ жилийн нээлтэд оролцоно.
2. 2017-2018 оны хичээлийн жилд 9 мэргэжлийн чиглэлээр хөгжлийн бэрхшээлтэй болон бэрхшээлгүй 15-45 насны иргэдэд мэргэжлийн боловсрол олгох Сэргээн засалт, сургалт, үйлдвэрлэлийн төвийн Мэргэжлийн боловсрол, ур чадвар олгох сургуулийн хичээлийн нээлт 10.00 цагт СЗСҮТ-ийн I-р байрны гадаа талбайд болно.
3. Европын Чихрийн Шижин Судлалын холбоо ,Монголын эмч нар хамтран "Чихрийн Шижингийн Олон Улсын сургалт семинар" Corporate Hotel & Convention Center-т үргэлжилж байна.
4. Үндэсний хөгжлийн газар, Үндэсний аж үйлдвэрийн зөвлөл хамтран "Ноос ноолуурын салбарын үйлдвэрлэгчдийн дотоод ба гадаад зах зээлийн борлуулалтыг нэмэгдүүлэх боломж" сэдвээр салбарын төлөөллүүд болон сэтгүүлчидтэй уулзалт хийнэ.
5. ШУТИС-ийн хичээлийн шинэ жилийн нээлт 14:00 цагаас болно. Тус нээлтэнд БСШУ-ны сайд Чулуунбаатар, УИХ-ын гишүүн Сарангэрэл, Ундраа зэрэг хүмүүс оролцоно.
6. Хотын дарга С.Батболд 10.00 цагаас БЗД-ийн 84-р сургуулийн хичээлийн шинэ жилийн нээлтэнд оролцоно

Энэ өдөр дэлхийн түүхэнд: 

1. Өнөөдөр Польш улсад Цагаан хоолны өдөр тохиож байна.
2. Мөн өнөөдөр Тайван улсад Сэтгүүлчдийн эрхийг хамгаалах өдөр тохиож байгаа аж.
3. 1997 оны энэ өдөр БНСУ-ын алдарт BTS хамтлагийн гишүүн, дуучин Jungkook (Jeon Jung-Guk) мэндэлжээ.
4. Өнөөдөр бол Тайван улсын Сэтгүүлчдийн эрхийг хамгаалах өдөр юм байна.
5. Мөн өнөөдөр ОХУ болон Украйн улсад Мэдлэгийн өдөр тохиож байна.