8 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 240 дахь өдөр бөгөөд он дуусахад 125 хоног үлдлээ.
- Цаг агаар өдөртөө 15 хэмийн дулаан бол шөнөдөө 1 градус дулаан байх нь ээ.
- Билгийн тооллын 7, таван шар мэнгэтэй улаагчин гахай өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр хонь, туулай жилтнээ аливаа үйлийг хийхэд эерэг сайн, хулгана, луу жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2438.00 төгрөгтэй тэнцэж байгаа бол бусад валют болох рубль 41.70, юань 366.80, вон 2.13 төгрөг байна.
Өнөөдөр болох онцлох үйл явдлууд:
- MNBC телевизийн байр, Live conference center төвд Бурхан халдун хайрханы овоо тахих талаар Хамаг Монгол овоо” төрийн бус байгууллагаас хэвлэлийн бага хурал зарлалаа.
- БНЭУ-аас 16 хүний бүрэлдэхүүнтэй мэс заслын эмч нарын мэргэжлийн профессорын баг 2017 оны наймдугаар сарын 28-наас есдүгээр сарын 8-ны хооронд ирж ажиллах гэж байна. Үүнтэй холбогдуулан 10.00 цагт Улсын гуравдугаар эмнэлэгт мэдрэлийн мэс засал, дурангийн мэс засал, мэдээгүйжүүлэлт, Эх, хүүхдийн эрүүл мэндийн үндэсний төвд чих, хамар, хоолойн чиглэлээр, Гэмтэл согог судлалын үндэсний төвд гар сарвуу болон түлэнхий мэс заслын тасагт, Амгалан амаржих газарт эмэгтэйчүүдийн нээлттэй болон дурангийн мэс заслыг үнэ төлбөргүйгээр хийх, сургалт зохион байгуулах гэж байна.
- Францын Парис хотод болсон чөлөөт бөхийн насанд хүрэгчдийн дэлхийн аварга шалгаруулах тэмцээнд оролцсон Монголын шигшээ багийн тамирчид Улаанбаатарт газардана.
- 11.00-13.00 цагийн хооронд “Залуу захирлуудын холбоо”, “Зөвлөх үйлчилгээний хүрээлэн”-тэй хамтран “CEO SUMMER EXPERIENCE 2017” IncYouBator хөтөлбөрийг Чингис хааны хүрээ аялал жуулчлалын цогцолборт зохион байгуулна.
- Олон Улсын Монгол Судлалын Холбоо, Японы Акитагийн Олон улсын Их сургууль хамтран “XX зууны монголын түүх, соёлын зарим асуудал” сэдэвт олон улсын эрдэм шинжилгээний хурлыг ШУА-ийн Тэргүүлэгчдийн газар /СТӨ Г корпус 3 давхар/-ын хурлын танхимд 09.00 цагт зохион байгуулна.
Энэ өдөр дэлхийн түүхэнд:
- 1989 оны энэ өдөр 2AM хамтлагын гишүүн Jo Kwon мэндэлжээ.
- Мөн 1996 оны энэ өдөр I.O.I, Gugudan хамтлагын гишүүн Kim Se-Jung мэндэлжээ.
- Өнөөдөр Мексик улсад Өвөө нарын баярын өдрийг тэмдэглэн өнгөрүүлж байна.
- 1990 оны наймдугаар сарын 2-нд Ирак Кувейтийг эзэлж, тус оны энэ өдөр албан ёсоор Иракийн нэгэн муж хэмээн албан ёсоор зарлан тунхаглаж байжээ.
- 1993 онд Бархасбадийн системийг судлах зорилготой, автомат удирдлагатай сансрын аппарат Галилео урт хугацааны аяллынхаа үед Ида ба Дактиль хэмээх сартай бага гаригтай дайралдан зургийг нь авчээ. Дактиль нь хамгийн анх нээгдсэн бага гаригийн сар аж.
