Дэлхийд алдартай "Walt Disney"-гийн "Disneyland" өнгөрсөн зургадугаар сарын дундуур БНХАУ-ын Шанхай хотод нээгдсэн билээ. Тэгвэл "Walt Disney" компанийн энэ оны тайланд нээлтээ хийснээс хойш дөрвөн сая үйчлүүлэгч хүлээж авсан гэж дурджээ. Шанхай хотод нээгдсэн даруйдаа л жуулчдын анхаарал татаж, бусдын саатах дуртай газар болоод буйг тус компанийн төлөөлөн удирдах зөвлөлийн дарга Роберт Игер ярьжээ. Шанхайн "Disneyland"-д Микки Маус зэрэг хуучны классик тоглоомнуудаас гадна "Zootopia" зэрэг сүүлийн үед гарсан хүүхэлдэйн киноны тоглоом хүртэл бий.
"Walt Disney" компани энэ онд 55 тэрбум ам.долларын ашиг олсон. Энэ нь өмнөх оныхтой харьцуулахад 6 хувиар өссөн тоо аж.
Сонирхуулахад, 2018 онд Шанхайн Диснейд "Toy Story Land" нэмэгдэх юм. Тоглоомын түүх алдарт киноноос санаа авсан энэ тоглоомын төв Шанхайн Диснейн үндсэн тоглоомоос гадна нэмэгдэж буй анхны парк болох аж.
