Дайны утаа үнэрлэж фронтын ар тал болж явсан ард түмний хувьд Дорнод аймгийн иргэд ялалтын ойг ганц энэ жил гэлтгүй жил бүр тэмдэглэн өнгөрүүлдэг юм. Өчигдөр Бунхан толгойд байрлах Зөвлөлтийн баатар нисгэгчдийн хөшөөнд цэцэг өргөж, хүндэтгэл үзүүлэв. Энэхүү үйл ажиллагаанд Монгол Улсын Ерөнхийлөгчийн Тамгын газрын дарга Г.Занданшатар, Засгийн газрын гишүүн, Батлан хамгаалахын сайд С.Бямбацогт, аймгийн Иргэдийн Төлөөлөгчдийн Хурлын дарга М.Энхтөр, аймгийн Засаг даргын орлогч Ш.Ёл, ОХУ-аас Монгол Улсад суугаа Онц бөгөөд бүрэн эрхт Элчин сайд Евсиков Алексей Николаевич оролцов. Мөн Бүгд Найрамдах Буриад Улсын Монгол Улстай хамтран ажиллах сайд Чирипов Даба-Жалсан Шагжиевич, Өвөрбайгалийн хчзгаарын Засгийн газрын орлогч даргын үүрэг гүйцэтгэгч Бессонова Виктория Викторовна, ахмад дайчин Ц.Чимидцэрэн, Я.Өсөх нар болон бусад албаныхан, иргэд иржээ.
Улмаар Дорнод аймгийн Чойбалсан хотод Халх голын байлдааны ялалтын 85 жилийн ойд зориулсан цэргийн ёслолын жагсаал боллоо
