Зэвсэгт хүчний 167 дугаар ангийн Сургалтын төвийг түшиглэн зохион байгуулагдаж байгаа таван аймгийн цэргүүдийг хамруулсан "Оюутан цэрэг” сургалт амжилттай явагдаж байна. Сургалт бэлтгэлийн төлөвлөгөөний дагуу оюутан цэргүүдэд цэргийн мэргэжил олгох сургалтын хүрээнд 10 км-ийн явган маршийг амжилттай зохион байгуулав.
Сургалт бэлтгэлийг бататгах үүднээс цэргийн байр зүй, ерөнхий тактик, хүн эмнэлэг, үй олноор хөнөөх зэвсгээс хамгаалах бэлтгэл хичээлийн дөрвөн цэгт үүрэг гүйцэтгүүлж, бие бялдрын бэлтгэлжилт, сэтгэл зүйн тэсвэр хатуужлыг нь дээшлүүлж чадсан юм.
Мөн автоматын буудлагын анхны дасгал (БАД-1)-ийг амжилттай боловсруулж, байлдагч Б.Төгөлдөр, Б.Батхүү, Б.Амарбаясгалан, Э.Буян-Арвижих, М.Мөнхбат, Э. Ууганбаяр, Ч.Сумъяасүрэн, Д.Ванчиндорж, Ба.Төгөлдөр, М.Сэргэлэн нар “Онц буудагч”-ийн болзол хангалаа.
