"Анхдагчдын цом 2024" гүйлтийн цанын нээлттэй тэмцээн Булган аймгийн Тэшиг сумын Харгал нууранд нэгдүгээр сарын 18-19-ний өдрүүдэд боллоо. Тус тэмцээнд Архангай, Өвөрхангай, Баянхонгор, Дархан-Уул, Орхон, Булган аймгуудын цаначид болон Монголын цанын холбоо, Алдар спорт хороо, Зэвсэгт хүчний 186 дугаар анги, Хилийн цэргийн 0286 дугаар ангийн 150 гаруй тамирчид хоёр өдрийн турш нийт 90 багц медалийн төлөө хурд хүч, авхаалж самбаагаа сорин уралдаж, нэгдсэн дүнгээр насанд хүрэгчдийн ангилалд "Алдар спорт хороо" өсвөрийн насны ангилалд Булган аймгийн баг тамирчид Анхдагчдын цомын эзэн боллоо.
Ахмад Х.Булгансүрэн, дэд ахлагч Л.Отгонцэцэг нар мөн оролцон тус бүр мөнгөн медаль хүртжээ. Энэхүү тэмцээнийг Хилийн цэргийн 0286 дугаар ангиас жил бүр зохион байгуулдаг уламжлалтай.
