Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр дүгээр сарын 27-ны өдөр
Өглөөд заавал мэдэж байх ёстой зүйлүүд:
- Өнөөдөр Григорийн тооллын жилийн 270 дэх (өндөр жил бол 271 дахь) өдөр юм. Мөн он дуустал 95 өдөр үлдэж байна.
- Цаг агаар өдөртөө 8 хэмийн дулаан бол шөнөдөө 1 хэм дулаан байх нь ээ.
- Билгийн тооллын 13, Чөдөр одтой , шар хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын авах ханш 3462.00 төгрөг, зарах нь 3466.00 төгрөг байна. Харин рублийн авах ханш 36.00, зарах ханш 36.40, юанийн авах ханш 475.00, зарах ханш 476.50, вонийн авах ханш 2.59, зарах ханш 2.62 төгрөг байна.
Өнөөдөр болох онцлох үйл явдлууд:
ХЭВЛЭЛИЙН БАГА ХУРАЛ: “Зууны мэдээ” сонины “Үндэсний мэдээллийн төв”-д
- 11.00 цагаас “Хиймэл оюун ухаан, маркетингийн судалгааны интеграци” сэдэвтAPRC-2023 Ази Номхон далайн судалгааны байгууллагуудынXV чуулган Улаанбаатар хотноо 10-р сарын 12,13-ны өдрүүдэд зохион байгуулагдах гэж байгаа тухай “Монголын маркетинг судалгааны ассоциаци” НҮТББ-аас мэдээлэл хийнэ.
- 11.30 цагаас Сүхбаатар дүүрэгт Хятад иргэнд 21 га газар олгосон асуудлаар олон нийтэд мэдээлснийхээ төлөө цагдаа шүүхэд шалгагдаж буй асуудлаар өмгөөлөгчид мэдээлэл хийнэ.
- 09.00 цагт Монголбанканд: "Мөнгө угаах, терроризмтэй тэмцэх, тогтолцоо, олон улсын үнэлгээ" сэдвээр уулзалт болно. Утас: 9199-2520.
- 10.00-14.00 цагт Хууль зүйн Үндэсний төвд: “Шүүхийн шийдвэрийн биелэлтэд нөлөөлж буй хүчин зүйлс, тулгамдаж буй асуудал, шийдвэрлэх арга зам” сэдэвт эрдэм шинжилгээний хурал болно. Хуралд ШШГЕГ, Иргэний болон Захиргааны хэргийн шүүх, МУИС, Дотоод хэргийн их сургууль, Банкны холбооны төлөөлөл оролцож, илтгэл хэлэлцүүлж, санал солилцоно. Утас: 8806-4025.
Дэлхийн түүхэнд энэ өдөр:
- 1980 оны энэ өдөр сүмогийн 68 дахь Монголын анхны ёкозүна Долгорсүрэнгийн Дагвадорж (Асашорюү Акинори) мэндэлжээ.
- Өнөөдөр Дэлхийн аялал жуулчлалын өдөр тохиож байна.
- 1982 оны энэ өдөр Америкийн реппер, дуучин, продюсер Lil Wayne мэндэлжээ.
- 2003 онд Европын сансрын хиймэл дагуул болох "SMART-1"-ыг хөөргөжээ.
