Өнөөдрийн тухай таны мэдэх ёстой 18 зүйл: Тэргүүн их хамба лам Д.Чойжамц нохой жилийн айлдвар, мэндчилгээг айлдана

2 дугаар сарын 13-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 45 дахь өдөр бөгөөд он дуусахад 320 хоног үлдлээ.
2. Цаг агаар өдөртөө -14 хэмийн хүйтэн бол шөнөдөө -20 градус хүйтэн байх нь ээ. 
3. Билгийн тооллын 28, долоон улаан мэнгэтэй улаан хулгана өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр луу жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2403.00 төгрөгтэй тэнцэж байгаа бол бусад валют болох рубль 41.80, юань 379.60, вон 2.17 төгрөг байна.

Өнөөдөр болох онцлох үйл явдлууд: 

1. 14.00 цагаас 2017 оны МХБХ-ны Хүрхрээ Дээд лигийн аварга Эрчим клуб, БНАСУ-ын Hwaepul багтай Азийн ХБХ-ны Цомын тэмцээний урьдчилсан шатны /AFC CUP 2018 PLAY-OFF STAGE/ тоглолтыг Монголын Хөлбөмбөгийн Холбооны Цэнгэлдэх хүрээлэнд болно.
2. МБШТ Гандантэгчэнлин хийдийн Тэргүүн их хамба лам, Гавж Д.Чойжамц Монголын нийт ард олонд зориулан айлчлан золгож буй Тийн унжлагат хэмээх шороон нохой жилийн айлдвар, мэндчилгээг 12.00 Цагт Гандантэгчэнлин хийдэд айлдана.
3. УИХ-ын дарга М.Энхболд 11.00 цагаас үе үеийн олимпийн медальтнуудыг өрөөндөө хүлээн авч уулзана.
4. УИХ-ын Өргөдлийн байнгын хорооноос 11.00 цагт "В" танхимд тайлангийн хурал хийж, сэтгүүлчдэд мэдээлэл өгнө. Б.Хурцын асуудал, Хүн амын орлогын албан татвар, Ахмадын орон сууц болон түрээсийн орон сууцны талаар дэлгэрэнгүй мэдээлэл өгөх болно. 

Энэ өдөр дэлхийн түүхэнд: 

1. 1542 онд Английн хаан VIII Хенригийн тав дахь гэргий Катерин Ховардыг садар самууныг сурталчилсан гэж үзэн цаазаар авчээ.

2. 1633 онд Алдарт одон оронч Галилео Галилейг сүмийн номлол зөрчсөн гэх үндэслэлээр шүүх ажиллагаа эхэлсэн байна.

3. 1660 онд Шведийн хаан X Чарльз Густаф өөд болсоноор түүний хүү дөрвөн настай XI Чарльз хаан ширээнд суужээ.

4. 1867 онд Бельгийн Брюссель хотын гол гудамжуудыг барьж эхлэв.

5. 1880 онд Алдарт зохион бүтээгч Томас Эдисон Эдисоны эффектийг олонд танилцуулжээ.

6. 1913 онд Манж Чин гүрэн мөхсөний дараа 13-р Далай лам Төвдийг тусгаар тогтнуулах тухай дөрвөн заалт бүхий баримт бичгийг Хятадын төв засгийн газарт өргөн барьжээ.

7. 1931 онд Британийн колони байсан Энэтхэг нийслэлээ Калькутта хотоос Шинэ Дели рүү нүүлгэжээ.

8. 1961 онд АНУ-ын Калифорни мужийн Оланча хотоос 500 мянган жилийн настай чулуу олджээ.

9. 1978 онд Австралийн Сидней хотод байрлах "Хилтон" зочид буудлын гадаа бөмбөг дэлбэрч хоёр хүн амиа алджээ.

10. 2017 онд Умард Солонгосын удирдагч Ким Чен Уны эцэг нэгт ах Ким Жон Нам Малайзын нисэх онгоцны буудалд химийн халдлагад өртөн амиа алджээ.