Бидний өдөр тутмын хэрэглээний нэг ургамлын тос байдаг. Тэгвэл та ургамлын тос хүний биед ямар тохиолдолд ашигтай болон ашиггүй нөлөө үзүүлдгийг мэдэх үү?
Ургамлын тосонд "ханаагүй" өөх тос их хэмжээгээр агуулагддаг бөгөөд энэ нь ууршихдаа төрөл бүрийн хорт бодис тараадаг. Ургамлын тосыг өндөр хэмд халаах, олон удаа ашиглахад чөлөөт тосон хүчил, фитохимийн бодисуудын задрал явагдаж, бүтэц нь өөрчлөгддөг. Ингэснээр хавдар, зүрх судас, сэтгэцийн өвчин үүсэхэд хүргэдэг хорт бодис болох альдегидууд их хэмжээгээр үүсдэг болохыг эрдэмтэд тогтоожээ. Тосны хүчлийн задрал нь удаан явагддаг боловч, хэт өндөр температурт маш хурдан задарч ууршдаг. Тиймээс та аль болох ханаагүй өөх тос багатай, уурших температур өндөртэй ургамлын тосыг сонгож аваарай.
Дараах мэдээллээс ямар тосыг хэрхэн хэрэглэх сонголтоо зөв хийж, эрүүл мэндээ хамгаалаарай.
Эх сурвалж: Нийгмийн эрүүл мэндийн үндэсний төв
