“Уур амьсгалын өөрчлөлтөд нийцсэн бодлого явуулснаар дотоодын нийт бүтээгдэхүүнээ 2.8 хувиар өсгөх боломжтой”

Эдийн засгийн хамтын ажиллагаа, хөгж­лийн байгууллагаас санаачилсан “Зүүн Европ, Төв Азийн бүс нутагт уур амьсгалын арга хэм­ж­ээг эдийн засгийн өрсөлдөх чадвартай уял­­дуулах нь” сэдэвт уулзалт өнгөрсөн до­лоо хоногт Парис хотод болжээ. Үүнд ма­най ул­саас Байгаль орчин, уур амьсгалын өөрч­лөл­­тийн болон Эдийн засаг, хөгжлийн яамны төлөө­лөл оролцож, дэлхий нийтийн өмнө тулгам­даад буй уур амьсгалын өөрч­лөлтийн нө­лөөл­лийг сааруулах, дасан зохицох чиг­лэ­лээр хэрэг­жүүлж байгаа ажлуудаа та­нил­цуул­сан байна.  
Энэ үеэр талууд уур амьсгалын өөрч­лөл­төд нийцсэн бодлого хэрэгжүүлэх, да­сан зо­хицох арга хэмжээг идэвхжүүлэх асууд­лыг онц­гойлон хөнджээ. Эдийн засгийн хам­тын ажил­­лагаа, хөгжлийн байгууллагаас хий­сэн тооцоо, судалгаагаар улс орнууд уур амьс­галын өөрчлөлтөд нийцсэн бодлого хэрэг­жүүлснээр 2050 он гэхэд дотоодын нийт бүтээг­дэхүүнээ 2.8 хувиар өсгөх боломжтой гэнэ. Харин дасан зохицох арга хэмжээ авс­наар байгаль, цаг уурын гаралтай аюулт, гам­шигт үзэгдлийн эрсдэлийг буу­руулж, дотоо­дын нийт бүтээгдэхүүний 1.3 хувьтай дүй­цэхүйц хэмжээний алдагдлаас сэр­гийлэх ач холбогдолтой хэмээжээ. Уур амьс­га­лын өөрч­­лөлтөөс улбаатай сөрөг нөлөө, хор хохи­рол жилээс жилд нэмэгдэж байгаатай хол­боо­тойгоор Зүүн Европ, Төв Азийн орнууд уур амьсгалын болон эдийн засгийн бодлогоо ха­рилцан уялдаатай байлгах чиглэлд ан­хаа­рахаар санал нэгджээ.

Н.Мишээл