Шинэжинст сумаас илрүүлсэн хадны оршуулгыг судлахад АНУ, Японтой хамтарна 

ШУТИС-ийн Нийгэм, хүмүүнлэгийн сур­­гуулийн Түүх, соёл, аялал жуулч­ла­лын тэнхимийн судалгааны багийн нэр бү­хий суд­­лаач, археологичид Баян­хон­гор айм­гийн Шинэжинст сумын нутагт 2023 оны хавар хадны оршуулгыг авран хам­­­­гаалах малтлага, судалгаа хийсэн би­лээ. Тус олдворын талаарх мэдээл­лийг нут­­гийн иргэд анх өгсөн бөгөөд ар­хео­логич Ю.Болдбаатар, С.Бат-Эр­дэнэ тэр­гүүтэй судалгааны багийнхан Баян­­­хон­­гор аймгийн Орон нутаг судлах му­­зейн удирд­лага, эрдэм шинжилгээний ажилт­­нуу­дыг байлцуулан тухайн газарт малт­­лага хий­­сэн. Тэндээс илрүүлсэн хад­­ны хат­мал ор­шуулгыг сэргээн зас­вар­­лах ажлыг өд­гөө Соёлын өвийн үндэс­­ний тө­вийн­хөн хариу­цаж буй бол ясны хэм­жилт судалгааг МУИС-ийн Ар­­хео­логи, ант­ро­пологийн тэн­хи­­мийн­хэн, дээл, хувцас мате­риалынхыг нь ХААИС-ийн суд­лаа­чид хийж байгаа аж. Харин будагны шин­жилгээг Японд, он ца­­гийн судалгааг нь АНУ-д хийлгэж буй гэнэ. Зарим судал­гаа­ны үр дүн эхнээсээ тодорхой болж бай­гааг ч судлаачид дурдлаа. 

Япон Улсын Каназава их сургуулийн Соё­лын өв судлалын хүрээлэнгийн про­фес­сор Такаши Гакухари, Хисаши Фү­жита, док­тор Р.Одонгоо нар саяхан уг олд­вортой та­нил­цаж, ДНХ-ийн болон ге­не­­тикийн бу­сад шинжилгээ хийхээр то­хи­ролц­сон бай­на.

Ж.Сувд