Өмнөговь аймгийн нутагт газар 5.3 магнитудын хүчтэй хөдлөв 

Өмнөговь аймагт газар 5.3 магнитудын хүчтэй хөдөлснийг ШУА-ийн Одон орон, гео­фи­зикийн хүрээлэнгийнхэн мэдээллээ. 
Тодруулбал, тус аймгийн Ханхонгор су­мын нутагт өнгөрсөн баасан гарагт газар 5.3 магнитудын хүчтэй хөдөлжээ. Чи­чир­хий­лэл иргэдэд хүчтэй мэдрэгдсэн ч учирсан хо­хи­ролгүй гэнэ. Газар хөдлөлтийн төв нь Да­ланзадгадын төвөөс баруун зүгт 23, Хүр­мэнгийнхээс хойд зүгт 24, Ханхонгор сумын төвөөс баруун урд зүгт 38 км зайд болсон аж. Нутгийн иргэдийн хэлснээр Өм­нөговь айм­гийн Даланзадгад сумын Ца­гаан булаг багт чичирхийлэл илүү хүчтэй мэд­рэгдэж, аяга, таваг хагаран, нүргэлсэн чимээ сонсогджээ.  Мөн энэ өдөр 15.19 цагт эл байршилд газар 4.1 магнитудын хүч­тэй хө­дөл­сөн байна. Өөрөөр хэлбэл, тус айм­гийн Ханхонгор су­мын нутагт нэг өдөрт хоёр удаа газар 4.1-ээс дээш магнитудын хүч­тэй хөдөлжээ.
Газар хөдлөлтийн хүчийг хоёр үзүүлэл­тээр хэмждэг. Магнитуд нь хөрсөн доор, га­зар хөдөлж байгаа төв хэсгийг хэмждэг үзүү­лэлт юм. Харин газрын хөрсөн дээр, хүнд бо­лон барилга байгууламжид мэдрэгдэж бай­гааг нь баллаар хэмждэг. Шаталбар нь 12 хүртэл байдаг бөгөөд газар гурваас бага маг­нитудын хүчтэй хөдлөхөд хүмүүст онц­гой мэдрэгддэггүй бол долоогоос дээш маг­ни­тудад хүрэхэд том талбайг хамарсан сүй­рэл болдог аж.

У.Цэцэг