Өнөөдрийн тухай таны мэдэх ёстой 14 зүйл: НИТХ дахь МАН-ын бүлэг шуурхай мэдээлэл хийнэ

8 дугаар сарын 14-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 226 дахь өдөр бөгөөд он дуусахад 139 хоног үлдлээ.
2. Цаг агаар өдөртөө 27 хэмийн дулаан бол шөнөдөө 14 градус дулаан байх нь ээ.
3. Билгийн тооллын 22, нэг цагаан мэнгэтэй харагчин тахиа өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2440.00 төгрөгтэй тэнцэж байгаа бол бусад валют болох рубль 41.30, юань 366.50, вон 2.12 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас “Гэгээ-9” СӨХ-ноос сууц өмчлөгчдийн эрх ашиг зөрчигдөж байгаа талаар мэдээлэл хийнэ.
2. MN-Мэдээллийн төвд 11.30 цагаас Үндэсний аж үйлдвэрийн зөвлөлөөс тендерийн хуулийн асуудлаар хэвлэлийн бага хурал зарлалаа.
3. Монголын хөдөө аж ахуйн хоршоологчдын үндэсний холбоо нь Зүүн Азийн хөдөө аж ахуйн байгууллагуудын зөвлөлийн дээд хэмжээний 27 дах удаагийн уулзалтыг “Тогтвортой хөгжилд хоршоодын гүйцэтгэх үүрэг” сэдвийн хүрээнд 09.00 цагаас Туушин зочид буудлын Сүлд танхимд зохион байгуулна.
4. “Хөрш орнуудын тогтвортой хөгжлийн үйл явц: соёл, нийгэм, боловсрол” сэдэвт олон улсын эрдэм шинжилгээний хурал наймдугаар сарын 14-17-ны өдрүүдэд Улаанбаатар хотноо зохион байгуулагдаж байна.
5. 11.00 цагт НИТХ дахь МАН-ын бүлгийн дарга С.Мөнхчулуун цаг үеийн асуудлаар Нийслэлийн Хэвлэл мэдээллийн төвд хэвлэлийн хурал хийнэ.
6. МУИС-ийн 75 жил, Компьютерийн мэргэжилтэн бэлтгэж эхэлсний 50 жилийн ойн хүрээнд FITAT’17-Мэдээллийн технологийн тулгамдсан асуудал нэртэй олон улсын хурал МУИС-ийн Хэрэглээний шинжлэх ухаан, инженерчлэлийн сургууль дээр наймдугаар сарын 14-нөөс 18-ны өдрүүдэд 09-00-16.00 цагийн хооронд МУИС 1 байр дугуй зааланд зохион байгуулагдах гэж байна.

Энэ өдөр дэлхийн түүхэнд: 

1. Өнөөдөр Доминиканы Бүгд Найрамдах Улсад Инженерүүдийн баярын өдөр тохиож байгаа юм байна.
2. 1983 оны энэ өдөр Америкийн алдарт жүжигчин, "Хар хун", "ТED" зэрэг киногоороо алдаршсан Mila Kunis мэндэлжээ.
3. 1964 оны Америкийн хөлбөмбөгийн тамирчин, дасгалжуулагч Neal Anderson мэндэлжээ.
4. 2015 онд Куба болон АНУ дипломат харилцаагаа 54 жилийн дараа дахин сэргээж байжээ.