Өнөөдрийн тухай таны мэдэх ёстой 13 зүйл: Ам.долларын ханш буурчээ

8 дугаар сарын 11-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 223 дахь өдөр бөгөөд он дуусахад 142 хоног үлдлээ.
2. Цаг агаар өдөртөө 19 хэмийн дулаан бол шөнөдөө 10 градус дулаан байх нь ээ. Өдөртөө бага зэргийн бороо орох гэнэ.
3. Билгийн тооллын 19, дөрвөн ногоон мэнгэтэй цагаан морь өдөр. Өнөөдөр үсээ авахуулах буюу засуулбал өвчин эмгэг ирэх сайн нөхөртэй нөхөрлөх гэнэ. Энэ өдөр нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2444.00 төгрөгтэй тэнцэж байгаа бол бусад валют болох рубль 41.30, юань 367.00, вон 2.12 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 11.00 цагаас Олон улсын залуучуудын өдрийг тохиолдуулан НҮБ-ын Хүн амын сан, Нийслэлийн залуучуудын хөгжлийн газар, Монголын залуучуудын эвсэл, Иргэний боловсрол төвөөс хамтран зохин байгуулах “Залуучууд-Эерэг өөрчлөлтийн хүч” арга хэмжээний талаар мэдээлнэ.
2. MN-Мэдээллийн төвд 11.30 цагаас Биеийн тамир, спортын газраас Олон улсын хүүхдийн спортын VII наадмын талаар мэдээлэл хийнэ.
3. Япон улсын буцалтгүй тусламжийн Өвсний үндэс - Хүний аюулгүй байдлыг хангах хөтөлбөрөөр хэрэгжих "Нийслэлийн Өргөө амаржих газрын засварын төсөл"-д гарын үсэг зурах ажиллагаа  Нийслэлийн Өргөө амаржих газрын хурлын Б зааланд 11.00 цагт болно.

Энэ өдөр дэлхийн түүхэнд: 

1. Бүгд Найрамдах Чад Улс 1960 онд Францаас салан тусгаарлаж, албан ёсоор Бүгд Найрамдах засаглалтай болжээ.
2. Өнөөдөр Пакистан улсад Үндэсний далбааны өдөр тохиож байгаа юм байна. 
3. Япон улсад жил бүрийн энэ өдрийг "Уулын өдөр" болгон тэмдэглэдэг аж.
4. 1920 оны энэ өдөр Америкийн домогт дуучин, алдарт ток шоуны хөтлөгч Mike Douglas мэндэлж байжээ.
5. 2012 онд Иран улсын Табриз мужийн ойролцоо хоёр удаа хүчтэй газар хөдөлж, 306 хүн амь насаа алдаж, 3000 гаруй хүн бэртэж гэмтсэн хэрэг гарч байжээ.
6. 1959 онд ОХУ-ын хоёр дахь том онгоцны буудал болох Москвагийн олон улсын «Шереметьево» нисэх онгоцны буудал нээлтээ хийж байжээ.